Dende este luns, 23 de marzo, cada dirección ten a indicación de acudir ao centro "o tempo que considere preciso" durante a alerta sanitaria polo coronavirus
Dende o 2008 as terras agrarias pasaron de 475.560 a 440.380 hectáreas, unha caída equivalente a 50.000 campos de fútbol. Tamén caeu a superficie de prados e pasteiros, mentres medraba en 41.000 hectáreas a forestal. A Terra Chá foi a comarca na que máis se reduciron as terras de cultivo
Están infectadas 30 persoas residentes, que preocupan pola súa avanzada idade, e 14 traballadoras. A situación que máis preocupa é a dun centro de Celanova, con 24 casos, pero hai tamén en Compostela, Vigo ou Caldas. O persoal denuncia a falta de materiais de protección
O número total de casos de casos confirmados é de 885. Nas últimas horas producíronse dous novos falecementos, sumando xa 14. Tamén aumentaron as altas, un total de 16, con dez novos pacientes recuperados. A Coruña, con 226, segue sendo a área sanitaria con máis casos, pero medra a incidencia en Vigo, con 220
Falamos cun empregado dun Carrefour de Vigo, que explica a situación na que está a traballar. "Hai persoas que son moi comprensivas e agradecidas. Pero hai outra xente que pensa que fai caso omiso ás advertencias", sinala. Pide, ademais, que as empresas non abran os domingos, como permitiu a Xunta.
Cunha decena de casos confirmados en Galicia nestes espazos, o persoal de residencias de maiores denunciou nos últimos días a carencia de medios de protección. Rexistráronse positivos en Compostela, Vigo ou Celanova. Houbo ademais o primeiro caso nun centro penitenciario e contaxiouse unha limpadora do Hospital de Pontevedra
Nas últimas horas producíronse tres novos falecementos, sumando un total de 12 mortes. A cifra total de positivos ascende a 721, dos que a maioría (527) se atopan nos seus domicilios. A Coruña segue sendo a área con máis casos, seguida de Vigo e Pontevedra
Nun centro de Santiago están illadas 60 persoas tras varios contaxios. As coidadoras no fogar tamén notan a escaseza de materiais de protección e avisan de que algúns usuarios se están a dar de baixa por medo
En total hai 568 casos activos, fronte aos 444 do xoves. Con todo, a maioría presentan síntomas leves, con 411 infectados nos seus domicilios. Nas últimas horas producíronse tres novos falecementos de persoas que enfermaron polo coronavirus, elevando a 8 a cifra total. Foron un home de 89 anos de Monforte, unha muller de 93 anos de Ourense e un home de 70 anos da Coruña, con patoloxías previas
O delegado do Goberno central en Galicia, Javier Losada, informou de que están previstos operativos específicos de patrullaxe, sobre todo naquelas localidades de especial atracción turística e nas que aglutinan un número relevante de segundas residencias
Falamos con dúas enfermeiras de Ourense e Pontevedra para preguntarlles sobre a situación que se está vivindo nos hospitais. Reclaman máis equipos de protección, máis información e reforzos de persoal, pero ben planificados, para reducir os riscos de transmisión. E alertan da importante carga psicolóxica que están a soportar.
