Quen teña escoitado antes a Tatán cantar no CoraSons ou en Maria Fumaça non se vai sorprender. Chapeu, o primeiro disco deste coñecido actor da compañía de monicreques Tanxarina, é a súa voz rota. A súa paixón. O bo humor que ten sempre. E moita variedade de estilos.
Non hai partes da nosa historia, nin críticas a un xeito patrimonial de entender a cultura, nin denuncia social, na nova obra de Pedro Feijoo. E só, tal como el mesmo a define, unha comedia de enredo. Que fará rir a quen lle gusten os chistes de non darlle moito á cabeza.
Unha nova asociación profesional está a piques de poñerse en marcha nas artes escénicas. Os dramaturgos e as dramaturgas presentarán proximamente a entidade que os vai aglutinar. Os retos e os atrancos aos que se enfronta non son poucos.
ENTREVISTA O cineasta José Luis Guerín presenta o sábado 9 de decembro en Numax, en Santiago, a súa última película, La Academia de las Musas, gañadora do Giraldillo de Ouro do Festival de Cine Europeo de Sevilla.
ENTREVISTA Os protagonistas de Os elefantes e Sokúrov, a nova novela de Antón Riveiro Coello, son como unha especie en perigo de extinción que busca na cultura as respostas ás preguntas máis complexas da vida. Iso pensa o seu creador, que os dotou non só de curiosidade e amor polo cine ou pola literatura, senón tamén dunha actitude afouta á hora de resolver os conflitos herdados do pasado. Como en Laura no deserto e en tantas outras das súas novelas.
Xisela Franco chama “cine de proceso” ao tipo de filmes que máis lle gusta facer. Non hai, neles, guión previo. Prefire confiar "neste xeito de lanzarme ao baleiro" e cre que "se nese proceso se dá a maxia dun continuo atopar é porque existe un profundo amor ao cine e ás persoas, á vida". Porque, di ela mesma, o acto de capturar o real é todo un ritual de amor ou amizade. O real está alí e revélase como posibilidade poética.
O 5 de xaneiro de 2012, hai catro anos, finaba Isaac Díaz Pardo. Deixámosvos seis vídeos para recordalo a través da súa propia voz e as súas palabras.
O 5 de xaneiro de 1961 Xosé Neira Vilas publicaba en Bos Aires a obra, da man da editorial Follas Novas, dedicada “a todos os nenos que falan galego”.
Cartas, fotografías, manuscritos e outros materiais, tanto da propia poeta coma da Fundación quedan así ao dispor de investigadores e investigadoras.
Chévere estreará Eroski Paraíso, a súa nova montaxe, o próximo mes de marzo. Trátase dun diálogo xeracional que furará na transformación da sociedade nas últimas décadas
Galicia conmemorará en 2016 o centenario da fundación do histórico colectivo, clave no futuro do país, da súa cultura e da súa organización política, e dedicará as Letras ao poeta da Terra Cha, fundamental tamén na literatura e na defensa da lingua propia e da identidade do país