Cultura

A lúa da colleita, de Anxos Sumai, é unha novela de identidade, de retornos e abandonos na procura do que somos.

O 52% dos visitantes estranxeiros en viaxe de lecer achegáronse a Galicia por motivos culturais. Mentres, pouco máis do 10% dos turistas españois tiveron esta motivación.

A RAG presenta un poema en galego e tres en castelán, unha descuberta "valiosísima" que indica que a escritoria preparaba pouco antes da súa morte Postrimerías, o seu último libro. Alonso Montero advirte da próxima aparición doutra obra desaparecida. Consulte os documentos no interior.

Armando Requeixo fálanos de O refugallo, obra coa que Paula Carballeira obtivo o VI Premio Manuel María de Literatura Dramática Infantil. "Reconcilia a un co máis nobre da especie e lémbranos que, a pouco que o intentemos, todos somos capaces de ser moito mellores", destaca.

Vén de publicarse un novo número de Unión Libre. Cadernos de vida e culturas, que nesta ocasión se centra na fotografía. Recensión de Marcela Bao.

Os responsables da revista Oink! anuncian que, ante as dificultades económicas polas que pasa o proxecto, non imprimirán o seu quinto número até conseguir liquidez. A vindeira semana lanzará unha iniciativa de crowdfunding para buscar a continuidade desta publicación para público infantil e xuvenil

O cantautor gaúcho Vitor Ramil (con orixes familiares en Narón) será unha das principais atraccións dunha nova edición de Cantos na Maré, que se celebra este sábado en Pontevedra. Amante da palabra e da poesía (musicou textos de Pessoa, Rosalía ou Borges), reivindica o factor diferencial de Rio Grande do Sul.

Da escuridade á luz. Da morte do vello á vida do que comeza. Do duro ao doce. Todo son contrastes no novo disco de Mónica de Nut, Dos fíos invisibles chegan as cores.