Cultura

O escultor ourensán denuncia coa arte a icona dunha época “asfixiante e castradora”.

O director grego Giorgos Lanthimos estrea 'Alps', a historia dun grupo de persoas que precisan crear unha ficción para enfrontarse a algo tan natural como a morte

O bufón italiano enche as dúas funcións deste xoves en na Facultade de Xornalismo de Compostela co seu espectáculo The Best Of, no que repasou os seus mellores números, mallou con ironía nas súas grandes teimas (a Igrexa, a dereita, a banca) e, por suposto, lembrouse de Conde Roa. “Xa está oficialmente imputado”, celebrou ante os aplausos dun auditorio entregado.

Leo Bassi, enfundado en traxe tradicional e ao son das gaitas, homenaxeou hoxe a Prisciliano e cargou contra “a censura”  nun acto na Praza do Obradoiro que tiña que culminar na Sala de Prensa do Concello , convidado polo BNG local. Non obstante, as portas da sala estaban pechadas. “Outra censura”, sorprendeuse o artista, que hoxe ofrecerá na Facultade de Comunicación o espectáculo que foi suspendido no Teatro Principal.

A pretensión da Mostra Internacional de Teatro de Ribadavia de ser xestionada a través dunha fundación de carácter público para garantir o seu futuro e a súa estabilidade económica terá que esperar. Segundo puido saber Praza Pública, a consellería de Cultura, Educación e Ordenación Universitaria, non baralla “nin tan sequera como hipótese” a creación desta fundación. As razóns que manexan na consellaría de Cultura é que “neste momento económico crear un novo organismo parécenos ilóxico e descoñecemos cales son as verdadeiras intencións dos promotores”.

“Sinsal segue unha liña de programación, que non se identifica cun estilo concreto. É un festival que ten un público que se identifica coa música nun sentido amplo”. Con estas palabras, Julio Gómez define o Festival Sinsal, que esta fin de semana tomará o Marco de Vigo para lle dar comezo a súa décima edición. O pistoletazo de saída virá da man do Club Sinsal, un conxunto de actividades que encherán de música, cinema, fotografía e literatura os diversos espazos da institución viguesa dende as 18 horas deste sábado.

“Europa está nunha calexa sen saída. O Reino español, máis. A única solución que lle vexo é que en Francia gañe Francois Hollande e en Alemaña os socialdemócratas”. É a opinión deste sociólogo, filósofo, escritor e columnista, que estivo en Pontevedra como conferenciante na Semana Galega de Filosofía. “Dá a impresión –continúa- de que en Galiza tamén se está a cambiar electoralmente, aínda que non sabería neste momento por quen apostar. O que resulta seguro é que, co está a pasar, o partido que goberna perde votos".

Profesionais que conseguiran voltar a Galicia tiveron que emigrar outra vez. Compañías que aínda non cobraron o que Agadic lles debe do 2011 sobreviven coas súas actuacións internacionais. Outras reducen -máis aínda- os formatos das súas pezas para acceder máis facilmente a circuítos de distribución non convencionais. E todos comparten unha mesma sensación de descontento e preocupación. Así pode resumirse a situación da danza en Galicia. Un sector xa de por si feble capea como pode unha crise que pon a proba, máis ca nunca, a súa capacidade de adaptación e resistencia.

Xavier Queipo acaba de gañar o premio Xosé María Álvarez Blázquez 2011 da Asociación Galega de Editores. Non moito despois de que a súa novela Extramunde, -que tamén está nomeada para os galardóns da Asociación de Escritores en Lingua Galega-, lograse o Xerais. A súa traxectoria literaria, unha das máis singulares dos creadores do país, viuse así, unha vez máis, recoñecida. E con el repasámola.

A 29ª edición da Semana Galega de Filosofía de Pontevedra comeza este luns e durante cinco días xirará ao redor do concepto de Europa. Éric Toussaint, Carlos Berzosa, Joaquín M. Valdivielso Navarro, Giacomo Marramao ou Francisco Louçã achegarán a súa visión, canda a outros investigadores de Galicia e España. Nesta edición, ademais, dúas das conferencias celebraranse na Coruña