Mercadona volve ser condenada por represaliar unha traballadora da CIG

Imaxe promocional de Mercadona © Mercadona

Hemeroteca

"Existe vinculación entre a denegación da prima correspondente e a pertenza ao sindicato CIG e participación no proceso electoral", di unha nova sentenza dun xulgado do Social de Ourense

Son varias as sentenzas que nos últimos meses veñen condenando a Mercadona por vulnerar a liberdade sindical con represalias a persoal afiliado ou representante sindical da CIG. Así o volve facer agora novamente un xulgado so Social de Ourense que considera que a empresa denegou unha prima de 5.000 euros a unha traballadora afiliada a ese sindicato de xeito discriminatorio e condénaa non só a pagarlle eses cartos senón tamén unha indemnización de 30.000 euros. 

Mobilización da CIG ante un supermercado Mercadona, nunha imaxe de arquivo CC-BY-NC-SA CIG

En Ourense xa emitiron condenas por distintos casos de vulneración de dereitos sindicais por parte de Mercadona cando menos os xulgados do Social número 1 e 3, e o Tribunal Superior de Xustiza de Galicia (TSXG) tamén se pronunciara sobre outro caso ratificando que o despedimento dun traballador estaba vinculado coa súa presentación a eleccións sindicais pola CIG. Agora é outro xulgado do Social, o número 4, o que emite esta nova condena. 

Neste caso a empregada, contratada desde 2016 e con boas valoracións previas sobre o seu traballo, pasou a ser valorada negativamente nunha avaliación do persoal realizada a comezos de 2025, o que a deixou sen percibir unha prima anual correspondente a 2024 de 5.000 euros. A traballadora tamén estivera de baixa por un accidente laboral e ademais de estar afiliada á CIG formara parte da candidatura dese sindicato nas eleccións sindicais. 

Fragmentos de dúas sentenzas de dous xulgados distintos de Ourense sobre represalias a representantes da CIG en dous supermercados diferentes da cidade © Imaxe: Mercadona | Montaxe: Praza Pública

A sentenza di que a empresa limitouse a defender a mala valoración da empregada por unha entrevista persoal con "unha determinada actitude" que non puido xustificar

Segundo a sentenza, a empresa non puido xustificar a mala valoración da empregada máis alá dunha entrevista persoal "na que se insiste 'nunha determinada actitude' que resultou dificilmente obxectivable". "As razóns que achega a empresa non teñen entidade suficiente para xustificar a súa decisión", di a sentenza, que considera que "existe vinculación entre a denegación da prima correspondente ao ano 2024 e a circunstancia de pertenza ao sindicato CIG e participación no proceso electoral, así como a situación de baixa de longa duración, e o certo é que a acción de Mercadona devén nula por vulneración de dereitos, sen que a proba achegada pola demandada servise para desvirtuar esta conclusión". 

Así, a sentenza condena a Mercadona a pagar á traballadora a prima de 5.000 euros e ademais a indemnizala con outros 30.000 euros pola discriminación e vulneración de dereitos. 

Despece

  • Interesouche esta información? Faite de Praza.gal

    As informacións coma esta só podemos contalas da man das socias e socios. Contámolas contigo e así as presións valen menos. Dende moi pouco, a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas. Podes optar por unha cota mensual ou faceres unha achega puntual, agora tamén con tarxeta ou a través do Bizum.

    Lembra, ademais, que ata o 80% da túa achega vénche de volta na declaración da renda. Así, por exemplo, unha cota de 10 euros ao mes pódeche quedar nun gasto real de 2 euros ao mes. As achegas de persoas xurídicas como as empresas obteñen unha devolución de ata o 40% no Imposto de Sociedades.

    Xa es socia ou socio de Praza?

    Faríanos moito ben que, se podes, pensases en aumentar a túa achega. Como vos vimos contando, a marcha das contas da Fundación Praza Pública -a nosa editora- no pasado ano e a nosa actual estrutura fan imprescindible incrementarmos os ingresos para evitar que o que hoxe é unha situación económica axustada derive, no medio prazo, noutra de indesexables dificultades e consecuencias.

    Podes tramitar a túa nova cota como unha alta nova nesta ligazón. Simplemente,  emprega o mesmo correo electrónico e datos persoais que co teu perfil actual e o sistema substituirao automaticamente. Grazas!

  • David Reinero

    David Reinero

    Xornalista de datos máis que de anécdotas, forma parte da redacción de Praza Pública desde 2016 tras facer de todo en El País, Xornal de Galicia e Atlántico Diario

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.
Quero ser de Praza