Economía

Rosa María Regueiro vén de presentar A propiedade do vento galego, unha obra na que analiza a situación do sector eólico en Galicia, onde cre que segue habendo pouca planificación e un baleiro regulatorio "que non dá seguridade xurídica ás empresas". A profesora critica a "politización" da enerxía procedente do vento nun país que debería seguir sendo unha potencia se fixesen o que fan outros: "adaptar os bos modelos doutros países á nosa realidade".  

Os dous sindicatos cren "precipitada" a decisión da central nacionalista, que pretende un novo paro na primeira quincena de xuño. "Non compartimos nin a forma, nin o método, nin o momento, nin a oportunidade", din, aínda que non descartan unha folga máis adiante. 

A decisión do Goberno español, que vén de limitar a compra deste tipo de carburante ao país austral, resucita o sector en Galicia, onde as plantas reduciran drasticamente a produción polas "importacións desleais" que provocaban que fose máis barato comprar o produto final que a materia prima. "É unha oportunidade; para nós xa non era rendible producir", aclaran. 

Lanza a convocatoria dun novo paro xeral para a primeira quincena de xuño e anuncia que pedirá a CCOO e UGT que se sumen. "É fundamental que esteamos todos", di a central nacionalista, que cre que “ou continuamos con esta resposta social ou non temos saída ningunha”.

O regulador dubida do "encaixe normativo" do Plan Castellano para a incorporación de investidores privados ao banco e deixa a súa posible aceptación nas mans do Goberno central e da UE

Feijóo asegura que "en oito ou dez semanas" se coñecerá se a petroleira Pemex lle fará encargos a estaleiros galegos e admite que se reuniu cos financeiros Carlos Slim e Olegario Vázquez Raña para "falar da situación económica de Galicia e "atraer investimentos".

A "desfeita industrial" transforma a estrutura produtiva de Galicia, onde o sector servizos xa supón o 68% do emprego e na que nos últimos catro anos se perderon 45.700 postos de traballo na industria, que conta co mesmo número de operarios que en 1997. 

Este galego, investigador da London School of Economics e profesor na Universidade de Oxford, é experto en gobernanza monetaria e financeira europea e global. Analiza a crise económica na UE e en España, de quen fala con claridade e engadindo a visión que desde outros países se ten da delicada situación no sur do continente.