AGE culpa da situación á "política errática" do Goberno galego, ao que lle pide que dea "explicacións" á "inquedanza" dos traballadores. Os produtores levan catro meses de atraso nos cobros.
A Federación Galega censura a liberalización de horarios e do período de rebaixas e insta as administracións a que prioricen políticas de crecemento por riba das propias do sector. "Seguen os recortes e o desemprego e todo sobe de prezo", denuncia.
Os traballadores quéixanse da falta de información sobre o flotel encargado pola petroleira mexicana e dubidan xa de que se confirme. "Cremos que o PP vai quedar realmente mal", advirten.
Piden o apoio dos traballadores e das súas familias contra os plans da entidade galega, de quen critican a "actitude prepotente" dos seus directivos mentres "arruinan a vida de 2.058 familias".
Traballadores públicos denuncian a "desinformación" e as dificultades para demandar o adianto aprobado pola Xunta. Critican os métodos "trapalleiros" ante a falta de instrucións oficiais que obrigaron a funcionarios a apuntar a man nunha libreta os demandantes.
Propón un total de 2.508 despidos até 2017 e o peche de 327 oficinas. Os sindicatos responden coa convocatoria dun paro para o vindeiro luns 14.
Carme Adán pediu a derrogación do recente decreto que elimina "o logro insuficiente" acadado en 2012 que obrigaba o empregador a asegurar a empregada dende a primeira hora de traballo.
PMI responde aos requirimentos dun organismo de transparencia de México para que aclare os acordos cos estaleiros galegos nun documento ao que tivo acceso Praza. Os contratos asináronse con Pemex Norteamérica, que acordou mantelos "en estrita confidencialidade" para non prexudicar a súa "estratexia" de cara ao futuro concurso.
Prevese o peche estacional durante catro meses ao ano dos establecementos de Vilalba e Verín, durante tres meses ao ano do de Tui, e do de Monforte durante 40 días. Os traballadores do Hostal denuncian que o acordo non respecta o seu convenio laboral e alertan de que a empresa estatal prepara a súa privatización.
O custe da luz incrementouse nun 14% nun ano e o do gas natural nun 7%. As ONG alertan das consecuencias dun novo mal provocado polas millonarias cifras de paro: a pobreza enerxética
É unha das catro autonomías con datos negativos ao incrementarse o número de desempregados en 2.251 persoas. O paro baixa en 13 das 17 comunidades e descende en máis de 59.000 persoas en España.
Os orzamentos destinan 280 millóns máis a débeda que no anterior exercicio económico mentres a oposición alerta de que se está a chegar ao límite permitido polo Estado. Dende 2009 o endebedamento do Goberno galego incrementou en case un 100%.