O himno galego, cantado por Uxía, abriu o Obradoiro-Breogán da xornada 21 da Liga Endesa de baloncesto, que rematou con vitoria para os composteláns (75-73)
Fálase
Pablo Casado comprométese en Ferrol a que se cumprirán os pedidos de fragatas da serie F-110 se é elixido Presidente. O Goberno de Mariano Rajoy bloqueou durante anos a construción destas fragatas co obxectivo de adaptalas aos mísiles da empresa do ex-ministro Morenés. O Executivo de Pedro Sánchez deu luz verde ao encargo en decembro
As elevadas temperaturas adiantan un mes o período de actividade da avespa asiática. A Asociación Galega de Apicultores recomenda colocar trampas preto de camelias e árbores exóticas. A Plataforma Stop Velutina leva anos reclamando unha acción máis decidida por parte da Xunta.
O Goberno central aproba por decreto aumentar os permisos por paternidade. Segundo o aprobado, que debe ser convalidado no Congreso para continuar en vigor, o permiso estenderase a 8 semanas xa este ano, a 12 en 2020 e ata as 16 semanas en 2021.
O DOG publica este venres o decreto que regula a Risga, desenvolvendo a Lei 10/2013 de inclusión social de Galicia. O decreto chega con case cinco anos de atraso, despois de que a Xunta iniciara a súa tramitación a comezos do pasado ano e de que Beatriz Mato e José Manuel Rey Varela abandonaran a Consellería de Política Social sen ter conseguido a súa aprobación.
"O seu lazo, señor presidente". O BNG bota man de declaracións de Casado e Feijóo sobre as mulleres e o feminismo para animar a secundar as mobilizacións do 8M. A formación presentou hoxe a súa campaña para esta xornada reivindicativa.
Uxía interpretará mañá o himno galego antes do inicio do derbi entre o Obradoiro e o Breogán no Fontes do Sar (18:00). A cantante estará acompañada por Sérgio Tannus e Santi Cribeiro.
CCOO tamén rexeita a nova proposta do Sergas para a Atención Primaria por ser "pouco ambiciosa e sen concrecións". O sindicato lembra que a proposta limítase a introducir medidas "xa recollidas en distintas leis e normas que están ou deberan estar en funcionamento".
Pachi Vázquez, ex-secretario xeral do PSdeG, anuncia a creación dun novo partido chamado Espazo Común para as eleccións municipais na provincia de Ourense. O actual líder dos socialistas, Gonzalo Caballero, resta importancia á operación, que ve como propia "do Entroido".
Alexandra Fernández anuncia que non repetirá como candidata ao Congreso. A ata agora deputada de En Marea sinala que, "tras unha profunda reflexión" se dispón a "poñer fin a unha etapa dura e intensa". "Tiven moi claro dende o primeiro momento que o meu tempo na política institucional había ser limitado" e "por iso sempre tiven presente a necesidade de retomar a miña carreira". "Volvo a ela, mantendo o meu compromiso militante dende a base", resume nun comunicado feito público nas súas redes sociais.
