Representantes de nove concellos das comarcas de Ferrolterra e Coruña participaron na xuntanza que busca conformar unha fronte común para a mellora da comunicación por ferrocarril entre as dúas cidades. Acordouse demandar a construción do bypass de Betanzos (que aforraría 8 minutos na viaxe), un incremento de frecuencias e mellor coordinación con FEVE e autobuses.
O cadro de persoal de Pescanova convoca unha manifestación este martes coincidindo co segundo día de folga. A marcha arrincará de Vía Norte ás 10.00 horas e rematará na zona bancaria no cruce de Colón
A Confederación de Empresarios de Ourense pospón a súa escisión da CEG (que xa completaron os empresarios de Pontevedra) pero bloqueará o mandato de Antón Arias. A CEG ameaza con retirarlles as subvencións aos críticos se non acoden ás reunións
As tres universidades galegas e a Xunta pactan planificar de forma conxunta as titulacións nos vindeiros anos. Os centros aceptan que a creación dun novo grao non implicará a suma de máis prazas, senón que levará aparellada a desaparición doutro grao ou o recorte doutros. Primará a adaptación "a novos perfís profesionais" e a especialización dos campus
Os cinco principais candidatos ás eleccións francesas participaron este luns pola noite no primeiro debate televisado da campaña, a 35 días dos comicios. Macron foi o máis convicente, e Hamon o menos, segundo unha enquisa
O BNG pecha o prazo de candidaturas á súa Asemblea cunha "única lista de consenso", a encabezada por Ana Pontón como portavoz nacional. A Executiva amplíase de 15 a 19 membros "coa vista posta" nas municipais. Pontón debullou nesta entrevista con Praza.gal os "retos" da formación cara á cita asemblear da vindeira fin de semana.
A Xunta eloxia a Baltar e coida que cómpre "agradecer moitísimo a súa vontade de implicarse" en acordos co Goberno galego. Afirmouno o vicepresidente, Alfonso Rueda, tras a recepción ao titular da Deputación de Ourense por parte do presidente da Xunta, que se prolongou durante máis de dúas horas. O ourensán realizou unha "detección perfecta dos asuntos nos que podemos colaborar", di Rueda.
O incendio de Entrimo, que fora extinguido na noite no sábado, reactivouse nas últimas horas do domingo, queimando cando menos 19 hectáreas no parque natural de Baixa Limia-Serra do Xurés. Na última semana arderon 300 hectáreas na provincia ourensá.
Dez concellos ourensáns teñen máis veciños empadroados no estranxeiro que no interior de España. Avión, Arnoia, Cortegada ou Gomesende encabezan a lista
A Plataforma pola Defensa do Ferrocarril Ferrol-Ribadeo fai un chamamento á unidade dos concellos de Ferrolterra, Ortegal e Mariña lucense, asociacións de empresarios e entidades sociais para crear unha fronte común que permita protexer esta "infraestrutura vital". O mal estado da maquinaria obriga a que dende hai semanas a maior parte dos traxectos ferroviarios se faga en autobús ou taxi.