Persoal da delegación de TVE en Galicia únese á iniciativa Venres negro, coa que reclaman a fin do bloqueo para a renovación dos órganos directivos dos medios de comunicación estatais e a fin da "manipulación" e do control gobernamental da corporación, abeirado na reforma do ano 2012.
A Audiencia Nacional absolve o home xulgado por promover asubíos ao himno de España na final da Copa do Rei de fútbol en 2015. A sentenza admite que se tratou dun exercicio de "liberdade de crítica" sen encaixe penal ningún.
Carlos Blanco e Luis Davila presentarán a gala dos Premios Martín Códax da Música o vindeiro 9 de maio en Pontevedra. Un total de 54 bandas e artistas optan aos galardóns, impulsados por Músicos ao vivo.
O grupo de Memoria Histórica da Eurocamara reúnese co alcalde de Sada, Benito Portela (Sadamaioría), e outros membros da corporación no inicio da visita da delegación do Parlamento Europeo ao Pazo de Meirás, impulsada pola eurodeputada do BNG Ana Miranda "para difundir en Europa a realidade deste anacronismo". Toda a información da visita, hoxe en Praza.gal
PARO REXISTRADO | As inscricións nas oficinas de emprego descenderon en 2.812 en Galicia en abril, ata as 182.291. Son 22.338 menos que hai un ano. No mesmo período as afiliacións á Seguridade Social aumentaron en 4.532, un dato medio que supera en 24.498 afiliacións as de abril de 2017. Consulta aquí toda a información.
Ponte nas Ondas! amplía ata o 1 de xuño o prazo para a recepción de fotografías do certame As Imaxes do Patrimonio
Juan Carlos Escotet abandona temporalmente a presidencia de Abanca logo da detención de varios altos cargos de Banesco en Venezuela, a onde viaxa. A entidade vén de comunicar a decisión á CNMV ante "a gravidade dos feitos políticos que acontecen" no seu país de orixe.
A Xunta "ultima" en Bos Aires "cuestións técnicas" para o traslado a Galicia d'A derradeira leición do mestre. A obra de Castelao poderá ser contemplada nunha exposición na Cidade da Cultura dende o 5 de outubro.
Feijóo advirte do "interese" de México por "ampliar as súas compras de barcos nos próximos anos” logo de que Pemex, petroleira estatal, incumprise varias das promesas de investimentos en Galicia.
Fuxan os Ventos publica unha nova canción co gallo do Día das Letras Galegas. A formación musica o poema “Lúa de Prata” da homenaxeada neste ano, María Victoria Moreno.