Anova iniciará contactos “con todas as organizacións políticas con transcendencia no espazo galego” de cara á construír "unha alternativa que derrote o Partido Popular nas vindeiras eleccións galegas". Dentro dese proceso de conversas, Martiño Noriega fixo referencia ás “plataformas cidadáns que están a resistir as políticas de Núñez Feijóo”.
O sector apícola expresa as súas dúbidas sobre a "eficacia" do novo plan da Xunta para o control da vespa velutina, xestionado pola empresa Seaga e baseado principalmente na retirada de niños. Expertos participantes no Día do Apicultor salientan que "a retirada de niños é esencial, pero hai que atopar outros sistemas"
O BNG homenaxeou no cemiterio coruñés de Santo Amaro a Moncho Valcarce, "o cura das Encrobas", con motivo do seu 27 cabodano. A deputada Olalla Rodil definiuno como “un galego de acción e de corazón. Un símbolo da Galiza viva e combativa”.
A Central Unitaria de Traballadoras (CUT) e o Sindicato Labrego Galego (SLG) rexistraron este venres ante a Xunta a convocatoria de folga xeral para o vindeiro 8 de marzo. "Este ano o 8M cadrará a domingo, unha razón máis para convocar folga e colocar no centro ás traballadoras máis precarizadas e invisibilizadas", destaca a CUT
Este 1 de febreiro o Reino Unido deixou oficialmente de formar parte da Unión Europea, 47 anos despois do seu ingreso na CEE. Comeza un período de transición, que rematará o 31 de decembro, no que se decidirán as relacións comerciais que o país manterá cos Estados da UE e as normas comunitarias que manterá e as que non. Té con gotas dedica a última entrega do seu Podcast ao futuro inmediato das relacións entre as dúas beiras do Canal da Mancha.
O persoal mobilizado da CRTVG protesta no seu 89º venres negro "polos medios públicos, polo cumprimento íntegro da lei, contra o desmantelamento, a manipulación e as inxerencias e pola pluralidade". Defende A Galega destaca que van "615 días en negro".
O PSdeG rexeita o consentimento "reforzado" no hospital de Verín e acusa a Feijóo de querer "silenciar" as críticas á súa xestión sanitaria co veto a carteis e anuncios "difamatorios" nos centros de saúde e hospitais do Sergas.
O BNG denuncia o veto do Sergas aos carteis críticos por "amordazar" as queixas dos profesionais cun "pin sanitario". A deputada do Bloque Montse Prado alertou da precarización da sanidade pública ás portas do CHUS en Santiago.
Arrimadas propón unha candidatura conxunta de PP e Ciudadanos en Galicia de cara ás eleccións autonómicas. "Pomos a España por diante ou do contrario pomos en risco o noso país", dixo a líder da formación laranxa.
As organizacións e colectivos mobilizados contra a mina de Touro atribúen á "unidade de todos os sectores afectados" a cancelación do proxecto mineiro. "É unha decisión acertada", din en rolda de prensa, aínda que cren que "os posibles custos electorais" influíron tamén na postura da Xunta.
