Fálase

Os traballos de restauración do mosteiro monfortino de San Vicente do Pino sacan á luz "pinturas murais inéditas, en bo estado de conservación e de grande interese histórico e documental". Entre os motivos das pinturas achadas destaca unha imaxe de Cristo, destaca o Ministerio de Cultura nun comunicado, que lembra que esta restauración é parte do Programa Xacobeo de conservación de bens culturais, no que tamén participan a Fundación Catedral de Santiago e a Xunta. Poder ver a imaxe con maior resolución nesta ligazón

O BNG e outras formacións soberanistas do Congreso divulgan o manifesto Non temos rei para detallaren as razóns polas que non asisten ao acto de apertura solemne da lexislatura estatal, que se celebra esta mañá baixo a presidencia do Xefe do Estado. O manifesto íntegro, nesta ligazón

O Goberno de Rajoy gastou medio millón de euros de fondos reservados para protexer o PP no caso da caixa B, segundo informa a Cadena SER, que cita documentación secreta. Entre as accións financiadas, indica, estivo presuntamente a espionaxe a Luis Bárcenas ou destrución de probas.

Ciudadanos reitera a petición ao PP para confluíren en candidaturas únicas nas eleccións galegas, vascas e catalás. Inés Arrimadas reclama aos populares non antepoñer "intereses partidistas" despois de que a dirección do partido secundase a Feijóo advertindo de que, no caso galego, "o centro dereita está unido" no propio PP.

• HEMEROTECA | O PPdeG marca distancias coa proposta de Génova para coligarse con Ciudadanos

O Concello de Monforte pon en marcha este luns un servizo de autobús urbano completamente gratuíto. O novo transporte municipal circulará dende as 8:05 ata as 20:15 horas entre Ribasaltas e Piñeira, facendo paradas no centro da vila, o ambulatorio, o hospital comarcal, a estación do tren ou o cemiterio

Anova iniciará contactos “con todas as organizacións políticas con transcendencia no espazo galego” de cara á construír "unha alternativa que derrote o Partido Popular nas vindeiras eleccións galegas". Dentro dese proceso de conversas, Martiño Noriega fixo referencia ás “plataformas cidadáns que están a resistir as políticas de Núñez Feijóo”.

O sector apícola expresa as súas dúbidas sobre a "eficacia" do novo plan da Xunta para o control da vespa velutina, xestionado pola empresa Seaga e baseado principalmente na retirada de niños. Expertos participantes no Día do Apicultor salientan que "a retirada de niños é esencial, pero hai que atopar outros sistemas"

O BNG homenaxeou no cemiterio coruñés de Santo Amaro a Moncho Valcarce, "o cura das Encrobas", con motivo do seu 27 cabodano. A deputada Olalla Rodil definiuno como “un galego de acción e de corazón. Un símbolo da Galiza viva e combativa”.

A Central Unitaria de Traballadoras (CUT) e o Sindicato Labrego Galego (SLG) rexistraron este venres ante a Xunta a convocatoria de folga xeral para o vindeiro 8 de marzo. "Este ano o 8M cadrará a domingo, unha razón máis para convocar folga e colocar no centro ás traballadoras máis precarizadas e invisibilizadas", destaca a CUT

Este 1 de febreiro o Reino Unido deixou oficialmente de formar parte da Unión Europea, 47 anos despois do seu ingreso na CEE. Comeza un período de transición, que rematará o 31 de decembro, no que se decidirán as relacións comerciais que o país manterá cos Estados da UE e as normas comunitarias que manterá e as que non. Té con gotas dedica a última entrega do seu Podcast ao futuro inmediato das relacións entre as dúas beiras do Canal da Mancha.