Carolina Darias e José Manuel Rodríguez Uribes, novos ministros de Política Territorial e Cultura respectivamente.
Fálase
-
A Deputación de Pontevedra oponse á modificación do PXOM de Mos para a cidade deportiva do Celta, que colocou a súa primeira pedra o mes pasado aínda sen permiso para todo o complexo.
Nace As Nosas, un xornal de deporte feminino. O proxecto "achega unha visión de xénero que fomente na sociedade valores de igualdade, sororidade, respecto, superación, e competitividade sá".
O Parlamento Europeo dá por finalizado o mandato como eurodeputado de Oriol Junqueras desde o 3 de xaneiro e acata a resolución da Xunta Electoral Central ratificada polo Supremo.
O Concello da Coruña nomea fillo adoptivo da cidade a Arsenio Iglesias, a quen dedicará unha rúa. A cidade deportiva da Torre tamén levará o nome do ex-adestrador e ex-xogador do Deportivo.
Vinte libros para os últimos vinte anos. Vinte mulleres e vinte homes seleccionan os vinte mellores títulos da ficción literaria última escrita en galego. Por María Yáñez e Berta Dávila en VINTE
O Supremo mantén a decisión da Xunta Electoral Central de inhabilitar a Torra como deputado. A decisión engade incerteza sobre o futuro do president, que agora queda en mans do Parlament.
Galicia acollerá o vindeiro Campionato de Europa de fútbol gaélico. Será en Pontevedra entre o 17 e o 19 de xullo de 2020 e nel a selección galega feminina intentará revalidar o título de campioa acadado en 2018 en Lorient, onde o combinado masculino obtivo o segundo posto. Este deporte deulle a Galicia a súa primeira selección deportiva oficial e internacional.
O pleno do Concello da Coruña aproba inicialmente os Orzamentos de 2020 cos votos a prol do PSdeG, Marea Atlántica, BNG e C's. O PP votou en contra. As primeiras contas públicas do goberno local que encabeza Inés Rey teñen como base os acordos asinados polo Grupo Socialista coa Marea e o Bloque. (Imaxe: Concello da Coruña)
A Xunta e o Ministerio de Agricultura acordan levantar a prohibición de plantar pataca en nove concellos que estaban afectados pola couza: Ares, Mugardos, Cabanas, Fene, Ferrol, A Capela, As Pontes, Ourol e Abadín. O Goberno galego anunciou en decembro que ía realizar a petición, despois de dous anos sen detectarse neste lugares a presenza do insecto. 25 concellos están aínda afectados pola praga.
