Feijóo eloxia o rei emérito Juan Carlos I como "un galego ilustre" e convídao a regresar a Galicia "se quere volver" porque "estamos encantados de recibilo". O presidente da Xunta afirmouno tras ser recibido no Palacio de La Zarzuela polo actual xefe do Estado, Felipe VI, co gallo da súa reelección como xefe do Goberno galego. Entre os asuntos que lle trasladou ao rei, a Xunta destaca as medidas fronte ao coronavirus e unha petición de "axuda" para "ampliar" o Xacobeo 2021 por mor da pandemia "ata xullo de 2022". Son declaracións que recolle La Vanguardia a través da axencia EFE. (Foto: ©Casa Real)
![](https://praza.gal/media/cache/live_image/uploads/feijoo-felipe-vi-15-setembro-ddb2251.jpeg)