Fervenzas Literarias faise eco da republicación de Tertúlia, de Xavier Alcalá, que comeza este mércores en Praza Pública e Palavra comum
![](https://praza.gal/media/cache/live_image/xornal/uploads/falase/foto/54cf91ae68164-d8d82c266eb7fddde33926f5670b34b7_m.jpg)
Fervenzas Literarias faise eco da republicación de Tertúlia, de Xavier Alcalá, que comeza este mércores en Praza Pública e Palavra comum
Feijóo asegura en Bruxelas que "os informes da Xunta" foron "clave" para que a Comisión Europea "estea a favor" de a pesca do xeito "siga sendo legal". O pasado xaneiro a propia Comisión sinalou que a súa postura mudou tras a visita do sector á Eurocámara e en decembro xa advertira de que a información dos gobernos galego e central chegara tarde.
As Novas Xeracións do PP lanzan unha campaña contra Podemos na que acusan o partido de Pablo Iglesias, de "quitar a liberdade dos medios de comunicación", poñerse "do lado dos terroristas", "roubar a liberdade" ou querer "instaurar un réxime totalitario". Para difundila utilizan o lema #NoPodéis
A Asociación de Directores de Servizos Sociais denuncia o atraso na publicación dos datos de xestión da dependencia do conxunto do 2014 e denuncian que se debe ao intento de "maquillar" as cifras por parte do Goberno central. O último informe publicado é o correspondente ao pasado novembro.
Desaloxan varios edificios da sede da Eurocámara en Bruxelas e cortan varias rúas do barrio europeo por mor dun vehículo sospeitoso con armas no seu interior. O presidente da Xunta atópase este luns na capital comunitaria, pero no edificio da Comisión Europea. O voceiro do Parlamento Europeo sinala que non existen indicios de que o vehículo poida conter explosivos. Está a informar ao respecto o xornal Le Soir
Gerardo Crespo négase a declarar ante a xuíza da Operación Zeta. O empresario e militante do PP, que asegura que "aínda non caeron todos os que teñen que caer" no caso, alega a ausencia dun informe de Facenda que lle impide saber "de que hai que defenderse". Recólleo Faro de Vigo
A Fiscalía oponse a xulgar o caso Someso, aberto polo Tribunal de Contas, alegando que seguen vixentes os acordos municipais aprobados polo ex alcalde Francisco Vázquez
Pescanova gaña máis de 1.600 millóns en 2014, fronte aos números vermellos do ano anterior, segundo vén de informar a compañía á CNMV este luns.
ICV e EUiA aproban a súa integración en Guanyem Barcelona e únense así ao aval de Podemos e Procés Constituent para conformar unha candidatura unitaria ao Concello barcelonés.
Bruxelas medita disolver a troika como concesión a Grecia. A Comisión Europea ofrecerá facilidades se o goberno heleno cumpre os seus compromisos.