Suspendido o inicio do xuízo ao asasino confeso de Diana Quer por non poder conformarse o xurado popular. O Tribunal Superior de Xustiza confirma que este luns foran convocadas 21 persoas para conformar o xurado, conformado por unha vintena, pero dúas elas formularon alegacións para non participar e que se axustan ás condicións legais. O proceso fica adiado ata o 11 de novembro.
Fálase
Hoxe comeza na sección sexta da Audiencia da Coruña, con sede en Santiago, o xuízo ao asasino confeso de Diana Quer. José Enrique Abuín é acusado de asasinato, agresión sexual e detención ilegal e a Fiscalía pide para el prisión permanente revisable.
O Frente de Todos gaña as eleccións na Arxentina e Alberto Fernández será o novo presidente tras derrotar o dereitista Mauricio Macri co 48% dos votos. Máis información, hoxe en Praza.gal
10N | Varias enquisas sitúan o PSOE como primeira forza, mais estancado en niveis semellantes ou un chisco inferiores ás xerais de abril. Mentres, o PP aséntase nos 100 escanos e Vox segue a medrar sobre o devalo de Ciudadanos. Así o reflicte o inquérito de Celeste-Tel para eldiario.es e, entre outros, tamén o de GAD3 para ABC, que augura que o PP volverá ser primeira forza en Galicia.
O Deportivo segue no máis alto da clasificación da Primeira tras vencer 3-1 en Abegondo ao CD Tacón, que dende a vindeira tempada será o equipo feminino do Real Madrid.
Antía Yáñez gaña o III Premio Agustín Fernández Paz de Narrativa Infantil e Xuvenil pola Igualdade coa obra Plan de rescate. O certame está impulsado polo Instituto de Estudos Chairegos, o Concello de Vilalba e a Editorial Xerais. (Imaxe: ©Alberto Lora/ Galaxia)
10N | PP e PSdeG empatarían a 10 escanos por Galicia, onde En Común-Unidas Podemos mantería os 2 que ten e o BNG volvería ter representación no Congreso cun escano pola Coruña, segundo a enquisa de Sondaxe que este domingo publica o xornal La Voz de Galicia. O escano que sumarían os populares e o que lograría o Bloque perderíaos Ciudadanos, que volvería desaparecer das circunscricións galegas.
Masiva manifestación en Barcelona en reclamación da liberdade dos dirixentes independentistas condenados polo Supremo a entre 9 e 13 anos de prisión. Segundo a Garda Urbana da capital catalá, a asistencia rolda as 350.000 persoas. Nesta ligazón, os actos centrais da mobilización, ao vivo (Imaxe: ANC)
O novo goberno portugués toma posesión e o primeiro ministro, António Costa, sinala entre as súas principais promesas novas subas do salario mínimo co "objetivo de atingir os 750 euros em 2023". No inicio da anterior lexislatura, subliña, estaba en 505 euros. O novo gabinete socialista terá que presentar agora o seu programa á Assembleia da República.
Gonzalo Caballero anuncia que o alcalde de Vilagarcía, Alberto Varela, é proposta do PSdeG para ser novo presidente da Federación Galega de Municipios e Provincias, cargo que os socialistas poderán manter en virtude dos resultados das eleccións de maio. Ata agora o posto exerceuno o alcalde do Barco, o tamén socialista Alfredo García. A Fegamp renovará os seus órganos directivos a finais de novembro.
