O PP tamén utilizará o asasinato de Diana Quer para forzar unha votación de apoio á cadea perpetua revisable no Congreso dos Deputados. Os conservadores están a empregar esta figura punitiva, actualmente vixente, para tentar contrarrestar o efecto do seu devalo electoral en Catalunya e mais o ascenso de Ciudadanos que prognostican algúns inquéritos. Tamén van promover votacións ao respecto en "todos" os concellos.
Dúas mulleres morreron esta mañá nunha avalancha que se produciu no paso fronteirizo de El Tarajal II, en Ceuta. O suceso afectou a centos de persoas, provocándolles feridas a varias delas. En 2017 outras catro porteadoras marroquíes morreron aplastadas en circunstancias semellantes na fronteira entre España e Marrocos.
A UE inclúe por primeira vez a pesca entre as súas liñas vermellas para negociar o Brexit. Está en xogo, entre outras cousas, o futuro dos 140 barcos falegos do Gran Sol
O segundo encontro estatal para a organización da folga feminista do 8 de marzo, celebrado en Zaragoza, serviu para convocar definitivamente un paro nos ámbitos doméstico, laboral, estudantil e de consumo.
A presidenta da Asemblea de Madrid négase a nomear os e as madrileñas presos en campos nazis nunha homenaxe. Un total de 9.030 españois foron recluídos nestes campos, 546 procedentes de Madrid. Neles houbo tamén 180 galegos, dos que 122 morreron alí.
A Fiscalía Anticorrupción recorre o réxime de semiliberdade dos exdirectivos de Caixanova, condenados a 24 meses polas prexubilacións millonarias que cobraron de maneira indebida. A fiscal Pilar Melero pide que se lles retire o segundo grao flexible -que lles permite saír de prisión- e argumenta que aínda teñen causas pendentes coa xustiza.
Valentín Formoso inclúe a Mercedes Rosón -rival nas primarias- na Executiva provincial do PSdeG na Coruña. José Manuel Lage Tuñas será o responsable de Organización
A neve caerá este domingo en Galicia por riba dos 800 metros, especialmente na montaña de Lugo. A neve caída na última semana permitiu abrir as pistas de esquí de Manzaneda. Este sábado a temperatura mínima deuse na Veiga (Ourense), con -3,6 graos
300 vehículos participaron este sábado en Burela nunha caravana reivindicativa contra a supresión da área sanitaria da Mariña.
Siervo González Rivas, Graciano Paz Amieiro e Manuel Rodríguez Núñez foron homenaxeados este sábado en Mondoñedo, 80 anos despois do seu asasinato pola súa militancia na CNT e na USG