Familias de alumnado do colexio apuntalado en Sarria entregan máis de 3.000 sinaturas "reclamando á Consellería información sobre o estado do centro", sinalan dende a plataforma constituída por pais e nais. Nos últimos días, as familias do Frei Luis de Granada subliñan que as instalacións ás que foi trasladado o alumnado "non cumpren coa normativa".
O Goberno central prevé aprobar no vindeiro Consello de Ministros a derrogación do despedimento por baixa médica. Así o avanzou este mércores a ministra de Traballo, Yolanda Díaz. O aval do Constitucional a esta medida da vixente lexislación laboral tivo especial impacto nos últimos meses en sectores como o do telemarketing. Na imaxe, Díaz na súa xuntanza deste mércores co director xeral da Organización Internacional do Traballo.
Seguridade Alimentaria activa unha alerta sanitaria por incumprimentos graves na fabricación de produtos lácteos de Casa Macán, con sede en Taboada (Lugo). Non se confirmou ningún caso asociado á alerta pero os produtos, entre eles varios queixos de denominacións de orixe galegas, están a ser retirados do mercado e recoméndase á cidadanía que poida ter algún na casa que o devolva ao punto de compra.
5A | Feijóo reitera a súa negativa á confluencia con Ciudadanos pero suxire a oferta de postos a membros dese partido nas listas do PP. "Se se pretende que votantes de Ciudadanos en masa voten ao PP con xente de Ciudadanos dentro do PP, estamos dispostos a falalo", dixo nunha entrevista na COPE que recolle eldiario.es
O Deportivo feminino logra unha cómoda vitoria no seu histórico debut na Copa da Raíña en Riazor impoñéndose ao Valencia cun 7-2 que as clasifica para os cuartos de final da competición. (Imaxe: RC Deportivo)
Rajoy e Aznar declararán como testemuñas no xuízo pola caixa B do PP, que a investigación do caso Gürtel deu por acreditada. O tribunal acepta a petición da acusación popular que exerce a asociación Adade.
5A | O alcalde de Ourense e líder de Democracia Ourensana, Gonzalo Pérez Jácome, evidencia que votará ao PP nas eleccións galegas. Un dos acordos de DO cos populares para formaren bipartito no consistorio ourensán foi que a formación de Jácome non concorrese aos comicios galegos. En 2016, DO presentouse e obtivo 7.723 votos.
5A | Feijóo ratifica ante a Xunta Directiva do PP galego que será candidato á presidencia da Xunta por cuarta vez. "Se o meu partido está disposto, eu estou disposto". Toda a información, hoxe en Praza.gal (Imaxe: PPdeG)
O Congreso inicia este martes o trámite da proposición de lei de eutanasia, promovida polo PSOE e que previsiblemente será tomada en consideración por ampla maioría. O PP, como xa avanzara tamén en Galicia, ratifica o seu voto en contra e pide aprobar como "alternativa" unha "lei integral de coidados paliativos". Vox, asemade, tamén votará "non". O texto íntegro da proposta pódese consultar aquí
O movemento feminista expresa en vilas e cidades galegas a súa repulsa polo asasinato dunha veciña de Lugo, Clara Expósito, a mans da súa parella. A Marcha Mundial das Mulleres recompila fotografías das múltiplas mobilizacións. Na imaxe, da Marcha, a concentración ante a casa do Concello de Lugo.
