🏳️🌈
A Asociación de Medios en Galego detalla nun manifesto as demandas da entidade ao fío do Día das Letras, especialmente no que atinxe á publicidade institucional e á "diferenza" a respecto das cabeceiras publicadas maioritaria ou integramente en castelán. O texto íntegro pódese ler en Que pasa na costa
Pedro Sánchez mantén na Coruña que se o domingo gaña as primarias do PSOE pedirá a dimisión de Rajoy. Asegurouno ante centos de militantes nos xardíns de Méndez Núñez tras o debate con Díaz e Sánchez. Caballero e Zapatero celebran hoxe en Vigo un acto de apoio á presidenta andaluza.
Este martes é o día sinalado para o inicio do xuízo da Operación Retablo contra un funcionario da Xunta en varios empresarios por presunta corrupción na restauración de obras de arte sacra. O Goberno galego non acusa o funcionario nin os cargos eclesiásticos presuntamente implicados, aos que a Audiencia librou tamén dos cargos.
O PP segue a caer nas enquisas, pero continúa por riba do seu resultado nas últimas xerais, segundo o inquérito que publica eldiario.es
O Pontevedra enfrontarase ao Murcia na primeira eliminatoria de ascenso a 2ª División e o Celta B xogará ante o Valencia Mestalla. Nos play-offs a 2ªB, o Fabril xogará ante o Cacereño, o Rápido de Bouzas co Cayón, o Cerceda co Jerez de los Caballeros e o Bergantiños co Badajoz.
O novo presidente de Francia nomea o conservador Edouard Philippe como primeiro ministro. Ata agora era alcalde de Le Havre polo partido d'Os Republicanos.
Puntogal pon en marcha este 17 de maio Velaquí, un servizo de intercambio de arquivos para compartir ficheiros de ata 2Gb de maneira gratuíta. Ademais, celebra o mes das Letras Galegas con dominios rebaixados a tan só 17 euros máis ive.
En marcha o debate entre os candidatos e candidata á secretaría xeral do PSOE. A retransmisión ao vivo, en eldiario.es
Arquivada a investigación xudicial ao edil de Espazos Cidadáns de Santiago, Jorge Duarte, pola tramitación de sancións a locais nocturnos. Así o veñen de anunciar o concelleiro e mais o alcalde da cidade, Martiño Noriega, quen subliñan que a xuíza confirma como "razoables" as dúbidas do edil sobre os expedientes e ratifica que non existiu ningún "trato de favor" nun eido no que goberno local e sector xa chegaron a un acordo.
Galicia asume hoxe a presidencia da Comunidade de Traballo Galicia-Norte de Portugal. O presidente da Xunta, que clausurará o encontro, instou o pasado xoves a agardar a este luns para coñecer os detalles concretos dos asuntos a tratar na xuntanza.
