As persoas que cheguen do estranxeiro deberán gardar 14 días de corentena polo coronavirus. A medida, publicada este martes no BOE, non afecta a traballadores transfronteirizos nin transportistas e as compañías aéreas deberán facilitar a localización do seu pasaxe. Ampliamos a información neste espazo
CIG, UGT e CC.OO. acordan suspender os procesos de eleccións sindicais en Galicia "mentres dure a situación de emerxencia sanitaria" polo coronavirus con efectos dende o 16 de marzo. O acordo completo é publicado no DOG deste martes. (Na imaxe, de arquivo, eleccións sindicais nun centro do Sergas)
O Goberno central asina o acordo que prorroga ata o 30 de xuño os ERTE por forza maior a causa do coronavirus. O pacto foi rubricado polos sindicatos CC.OO. e UGT e mais pola patronal CEOE. (Imaxe: Borja Puig de la Bellacasa / Goberno de España)
Xa pode verse na rede, integramente e de balde, o documental sobre Carvalho Calero realizado no ano 2014 polo ferrolán Antón Rodríguez: Vieiros de Esperanza. O filme inclúe entrevistas a Darío Villanueva, Víctor Freixanes, Xesús Alonso Montero, Pilar García Negro, Araceli Herrero, Francisco Rodríguez e Xosé María Dobarro Paz. A obra audiovisual "permite ollar opinións que cambiaron de maneira substancial ao longo destes seis anos", destaca o seu autor.
Dende a pasada media noite, Galicia está na fase 1 do plan de desconfinamento polo coronavirus. Podes repasar aquí as mudanzas que están en vigor no país dende este luns.
La Sexta emite este domingo ás 21:25 a entrevista de Jordi Évole a Marcial Dorado na que o condenado por narcotráfico relata a súa amizade co presidente da Xunta, Alberto Núñez Feijóo.
A Consellería de Sanidade prepara a segunda onda de tests de seroroprevalencia coa que completará o estudo autonómico da Covid-19. O total de persoas contactadas na primeira onda de test foi de 61.836 e Sanidade realizará outros 50.925 tests. A primeira fase rematou con moi poucos positivos e peticións de médicos para cancelalo, dubidando da fiabilidade dos tests
A Xunta critica que o Goberno central non autorice a práctica da pesca deportiva na Fase 1, que se inicia o luns en Galicia. O Goberno galego autorizou hai uns días a actividade da pesca fluvial, unha medida que foi denunciada por organizacións ecoloxistas como ADEGA e Ríos con Vida e pola Federación Galega de Pesca. A orde ministerial que este sábado publica o BOE tampouco permite a caza.
O vicepresidente da Xunta, Alfonso Rueda, confirma que deben ser os concellos os que decidan en que núcleos ou parroquias se aplica o novo criterio para a obriga de establecer franxas horarias para dar paseos ou facer deporte. Este venres o Goberno galego difundiu unha lista xenérica de parroquias que non chegan a 5.000 habitantes, pero cada localidade debe establecer se se trata de núcleos separados e rurais.
Veñen de coñecerse os gañadores e gañadoras da V Gala do Libro Galego, organizada polas asociacións de editoras, librarías e escritores e escritras galegas. Entre os premiados e premiadas aparecen Suso de Toro, Juan Casto Rivadulla, Susana Sanches Arins, Paula Carballeira, Emma Carballeira ou María Yáñez, responsable de Vinte, galardoada na categoría de Xornalismo Cultural.
