PARO REXISTRADO | As inscricións nas oficinas de emprego galegas aumentaron en 3.164 durante o mes de setembro, ata as 156.984 persoas. Son 9.336 menos que hai un ano. No mesmo mes as afiliacións á Seguridade Social reducíronse máis do duplo en Galicia con 7.353 menos e quedan en 1,03 millóns, o que supón 15.660 máis que en setembro de 2018. Máis información, esta mañá en Praza.gal
Fálase
O atleta mariñao Adrián Ben logra o sexto posto na final mundial dos 800 metros. O de Doha é o primeiro Mundial no que participa o deportista de Viveiro, de 21 anos. (Imaxe: RFEF)
A casa de Otero Pedrayo, en Trasalba, acolle este martes, 88º aniversario da aprobación do dereito ao voto feminino na II República, a presentación de O meu pecado mortal. O voto feminino mais eu, de Clara Campoamor. O volume, que publica Galaxia na súa colección Feminismos, foi traducido ao galego por María Reimóndez e a edición e o prólogo son obra de Celia Pereira Porto.
Cinco persoas feridas ao caer ao río en Touro a ambulancia que trasladaba pacientes ao servizo de diálise. Segundo confirma o 112, o sinistro sucedeu contra as sete e cuarto desta mañá e tanto os catro pacientes, de avanzada idade, como o condutor foron rescatados e trasladados a centros sanitarios. (Imaxe: unha ambulancia do 061, nunha fotografía de arquivo)
O PP lanza a súa precampaña para o 10N baixo o lema ¿Ellos o nosotros?. Revelouno cunha gran pancarta na fachada da sede central do partido, en Madrid, á que horas despois agregou a palabra "todos".
Familias, alumnado, profesorado e membros da corporación municipal concéntranse ante o colexio Labaca da Coruña para reclamar á Xunta persoal de ateción á diversidade. Pais e nais denuncian o recorte de profesorado, que afecta outros centros.
A Xunta prevé que hoxe chegue o peregrino número 300.000 do ano a Santiago, dúas semanas antes que en 2018. É a terceira vez que se supera este limiar. O crecemento exponencial na chegada de camiñantes amósase tamén no feito de que o peregrino 200.000 se adiantou de mediados de outubro a comezos de agosto en apenas media década. Na imaxe, a chegada do peregrino 300.000 en 2017.
Rouco Varela únese oficialmente ao grupo de cardeais inimigos do Papa Francisco, ao que cualifican de "herexe". Unha información de Jesús Bastante
Chega ao Museo de Pontevedra a exposición Galaicos, que percorre o período histórico da Idade de Bronce ata o século VI a través de abondosos restos arqueolóxicos. Tras pasar por Madrid e Valencia a mostra estará en Pontevedra do 4 de outubro ao 2 de febreiro e "servirá tamén para render homenaxe Sociedade Arqueolóxica de Pontevedra no 125 aniversario da súa fundación", explican dende a Deputación.
Anova confirma que non se presentará ás xerais do 10N "por non ser posible unha fronte ampla que dea continuidade ao proceso de acumulación de forzas iniciado en 2012". "Non contribuiremos ao proceso de atomización da esquerda", agregan nun comunicado. Ás dúas desta tarde finaliza o prazo para o rexistro de coalicións electorais. Máis información, hoxe en Praza.gal.