Hoxe comeza en Viveiro a XIV edición do Resurrection Fest cunha morea de actuacións co mellor da escena metal e hardcore. En Vinte, un repaso a media ducia de bandas galegas que pasarán polos escenarios do Resu
![](https://praza.gal/media/cache/live_image/uploads/resuportada-07fdea3-5bd098f.jpeg)
Hoxe comeza en Viveiro a XIV edición do Resurrection Fest cunha morea de actuacións co mellor da escena metal e hardcore. En Vinte, un repaso a media ducia de bandas galegas que pasarán polos escenarios do Resu
Carmela Silva, reelixida presidenta da Deputación de Pontevedra cos votos a prol de PSdeG e BNG, que gobernarán en coalición. Consulta aquí o máis destacado da sesión constitutiva da institución pontevedresa
O socialdemócrata italiano David Sassoli, novo presidente do Parlamento Europeo con 345 votos a prol
O CIS sitúa o PSOE ao bordo do 40% de intención directa de voto en eleccións xerais cunha ampla distancia sobre a segunda forza, que segundo o inquérito sería Ciudadanos, por diante do PP. Este indicador do barómetro non é equiparable a estimación de voto, coa coñecida como cociña da enquisa. En Galicia o PSOE tamén sería o máis votado; aínda que cunha marxe moito máis ampla que a lograda o 28A, cando os socialistas galegos foron primeira forza por primeira vez.
Acordo para a asignación dos principais postos directivos da Unión Europea. A nova presidenta da Comisión será a popular alemá Ursula Von Der Leyen e o Consello encabezarao o primeiro ministro liberal belga, Charles Michel. O BCE estará encabezado pola francesa Christine Lagarde, ata agora directora do FMI e antiga ministra no seu país. O ata agora ministro español de Asuntos Exteriores, Josep Borrell, será nomeado Alto Representante para a Política Exterior. O Consello Europeo informa nesta nota dos detalles da proposta. (Imaxe: Consello Europeo)
Axentes da Policía de Portugal patrullarán en Santiago do 16 ao 27 de xullo ante a previsión de alta afluencia turística. Este despregamento forma parte do proxecto Comisarías Europeas, segundo vén de informar o Ministerio do Interior. (Imaxe: PSP)
PSdeG e BNG pechan o acordo para volver gobernar en coalición a Deputación de Pontevedra. O socialista David Regades e o nacionalista César Mosquera veñen de presentar o pacto, no que o PSdeG gaña peso tras pasar de 10 a 13 escanos ata seren primeira forza da corporación, que seguirá presidindo Carmela Silva.
O pleno da investidura comezará no Congreso o día 22. O 23 votarase por primeira vez a candidatura de Pedro Sánchez, segundo vén de confirmar a presidenta da Cámara Baixa, Meritxell Batet.
PARO REXISTRADO | As inscricións nas oficinas de emprego galegas descenderon en 5.556 en xuño; son 14.816 menos que hai un ano e quedan en 155.249. No mesmo mes a poboación afiliada á Seguridade Social en Galicia aumentou en 6.787 cotizantes, ata os 1,03 millóns, un aumento interanual de 18.693 persoas. Consulta aquí toda a información
Alcoa e Parter chegan a un principio de acordo para relanzar a operación de venda das plantas da Coruña e Avilés. O prazo ampliarase ata o 31 de xullo para dar tempo ao fondo suízo para que presente todas as garantías financeiras requiridas. Alcoa insiste en que os traballadores ratifiquen previamente a operación e o acordo acadado con Parter