Feijóo non se "atreve" a "incluír a Vox dentro dos partidos rupturistas" e pide "esperar a ver como evoluciona". Faino nunha entrevista co xornal El Mundo na que volve apostar por un pacto PSOE-PP para gobernar España.
Fálase
-
Detido por suposta violencia de xénero o marido da ex-concelleira de Sarria que estivo un día desaparecida.
Interceptado o primeiro narcosubmarino transoceánico na ría de Aldán con máis de 3.000 quilos de cocaína. Dous dos tripulantes foron detidos e outro fuxiu a nada. Estao contando o Diario de Pontevedra.
A militancia do PSdeG aproba case por unanimidade o acordo progresista para que PSOE e Unidas Podemos formen goberno en España. Coa práctica totalidade de agrupacións recontadas, o 94% dos socialistas galegos optaron polo si.
Detido un home en Rábade pola súa posible implicación no homicidio doutra persoa atopada morta este sábado con signos de violencia.
Feijóo alenta a absorción de Ciudadanos polo PP porque "caben no PP" e "sería bo" o "entendemento", afirmou o presidente da Xunta nunha entrevista na COPE, onde como noutras ocasións proclamou que "España é unha nación dende hai 500 anos".
Centos de candeas e un apagón reclaman nas Pontes unha "transición enerxética xusta". Máis dun milleiro de persoas manifestáronse na noite do pasado xoves na localidade pedindo que Endesa continúe coa actividade na planta ante a inevitable fin da queima de carbón.
Falece un traballador tras envorcar o camión que manexaba no interior dunha nave da empresa Lear Corporation no polígono das Gándaras, no Porriño. Segundo informa o 112, "o home faleceu tras quedar atrapado baixo o camión" e os Bombeiros e o 061, que acudiron ao seu rescate, "nada puideron facer por salvarlle a vida". Galicia segue á cabeza do Estado en accidentes laborais graves e mortais, segundo os datos máis recentes.
Docentes do ensino público maniféstanse nas cidades galegas para recuperar os horarios lectivos e mellorar as condicións de traballo. Todas as organizacións sindicais apoian as mobilizacións, que culminarán cunha folga o 12 de nadal. A información da mobilización, neste espazo
Pablo Crespo, antigo número 3 do PPdeG, acumula outra condena de tres anos de prisión polo caso Gürtel, neste caso pola póla detectada no municipio andaluz de Jerez. As condenas foron atenuadas por dilacións indebidas da Audiencia Nacional. Crespo é o primeiro deputado da historia da autonomía galega encarcerado por un caso de corrupción.
