O voceiro do PP no Congreso, Rafael Hernando, ve "deplorable banalizar o consumo de drogas" e na mesma comparecencia pregunta "que herbas usan no almorzo" os independentistas cataláns.
Fálase
-
Fomento anuncia EVA, un novo servizo de AVE de baixo custo que comezará a operar entre Barcelona e Madrid en 2019, no décimo aniversario da liña. En Galicia a Xunta asume que o último treito do AVE á Meseta, nas proximidades de Ourense, non estará rematado ata 2024.
O Supremo mantén no cárcere a Jordi Sànchez, ex-líder da ANC e deputado electo. O Tribunal argumenta o auto apoiándose en que Sànchez aposta pola vía "unilateral" e fai mención explícita á súa ideoloxía como causa para seguir preso. Está a contalo eldiario.es
Villar Mir nega ante o xuíz do caso Púnica que a súa empresa participara no amaño do Metro e defende a “transparencia” coa que sempre actuou. Está a contalo eldiario.es. En Galicia hai medio ano o PP impediu investigar os contratos da Xunta con Villar Mir para non “destruír a democracia”.
O PP rexeita retirar da orde do día do pleno do Parlamento a reforma sanitaria, que comeza a debaterse na Cámara. Os conservadores rexeitaron a alteración da orde do día reclamada por En Marea, PSdeG e BNG ao fío do rexeitamento masivo da norma na manifestación do pasado domingo. As forzas da esquerda instaron o Goberno a frear o proxecto e optar polo "diálogo" cos colectivos afectados. "Se lexisla no Paralmento e non a golpe de contar manifestantes", argumentou o PP.
Puigdemont propón cambiar a lei para ser investido no Parlament. JxCat esixe que sexa votado na Cámara aínda que o seu nomeamento sexa log suspendido e acepte a presidencia simbólica desde Bruxelas.
Xornada fría, con nevaradas en moitas zonas de Galicia e acumulación importante de neve na montaña lucense. Na provincia de Ourense as temperaturas chegaron aos -6º.
Isabel Coixet rodará un filme sobre Marcela e Elisa, protagonistas da primeira voda entre mulleres no Estado, en 1901. Antes de chegar ao cinema a historia de Elisa e Marcela xa tornou en obra de teatro da man d'A Panadaría
O pleno da Coruña aproba definitivamente os Orzamentos do Concello para 2018 cos votos a prol da Marea Atlántica e o PSdeG. Cinco das sete principais cidades galegas teñen xa as contas deste ano aprobadas ou a piques de facelo. Mentres, Ferrol mantén prorrogadas as de 2015 e Ourense, as de 2014.
A neve segue a acumularse en varios puntos de Galicia, especialmente nas montañas do leste de Lugo e mais no sur da provincia de Ourense, tal e como recolle o radar de Meteogalicia. Prevese que as precipitacións en forma de neve continúen este martes. Na imaxe captada por Meteogalicia, efectos da nevarada dos Ancares.
