Tui e Valença celebran o próximo luns o primeiro Pleno da Eurocidade con todos os edís da Assembleia Municipal e do Pleno do Concello, reunión “histórica e inédita na Europa”.
Fálase
-
A mobilización de persoal da CRTVG a través do colectivo Defende a Galega chega hoxe ás 90 semanas. O cumprimento íntegro da lei dos medios públicos do ano 2011 para evitar a influencia gobernamental na información que ofrecen a TVG e a Radio Galega é a súa principal reivindicación.
Pedro Sánchez e Joaquim Torra acordan presidiren a primeira xuntanza da mesa de gobernos pactada por PSOE e ERC, que se celebrará este mes. O presidente do Goberno de España reuniuse este xoves co da Generalitat en Barcelona. Sánchez achegou un documento de 44 puntos ao que denominou "axenda para o reencontro" e Torra reiterou a aposta pola autodeterminación e a petición de "amnistía" para os líderes independentistas encarcerados. (Imaxe: Govern de la Generalitat)
O Consello da Xunta aproba a declaración do Parque do Pasatempo de Betanzos como Ben de Interese Cultural. O histórico espazo sofre unha forte degradación dende hai anos, pero tamén é escenario de iniciativas cidadás pola súa protección.
Dépor ABANCA. A cara B das Nosas. VINTE achégase ás xogadoras revelación da Primeira División para coñecer máis polo miúdo a súa visión do deporte, dos dereitos laborais no fútbol feminino ou do impacto que o equipo está a ter na Coruña. Entrevistas de Bárbara G. Vilariño con retratos de Xabier Martínez
Donald Trump, absolto no xuízo político por abuso de poder e obstrución ao Congreso. O fracaso do impeachment impulsa o presidente dos EUA ás portas da campaña na que buscará a reelección
Gonzalo Caballero anuncia a persoal de Alcoa en San Cibrao que "o estatuto das empresas electrointensivas se fará público de xeito inminente". "Sairá a exposición pública nos vindeiros días", afirmou o secretario xeral e candidato do PSdeG. Persoal de compañías como Alcoa vén reclamando esta normativa ao Goberno central dende hai meses para abaratar o prezo da electricidade e evitar posibles peches.
Un grupo de investigación galego descobre "unha mutación clave" para tratar o cancro. GCiencia debulla os resultados das pescudas deste grupo da Universidade de Santiago, integrado no consorcio internacional Pan-Cancer. (Imaxe: USC)
Íñigo Urkullu abre a porta a que as eleccións vascas se celebren en abril. O intervalo que manexa o lehendakari vai do 5 de abril e chega ata o 25 de outubro, evidenciou o mandatario vasco a respecto da data límite, a mesma que a galega. Non o desvelará en calquera caso ata marzo, asegura, cando conclúe a elección de candidaturas do PNV. As eleccións en Galicia e Euskadi celebráronse ao mesmo tempo en 2009, 2012 e 2016. En 2005, as vascas foron o 17 de abril e as galegas, o 19 de xuño.
Ciudadanos pide ao PP ser "xeneroso" e confluíren tamén nas eleccións galegas "para frear ao nacionalismo galego". Segundo a ex-deputada Beatriz Pino, voceira deste partido en Galicia, "a maioría absoluta de Feijóo está en perigo" e define como "risco real" que "se repita" un goberno de PSdeG e BNG.
