Ciudadanos inclúe o repagamento sanitario no seu programa. O partido de Albert Rivera propón un modelo de xestión sanitaria semellante ao das fracasadas fundacións hospitalarias que exclúa as persoas migrantes sen permiso de residencia. Cóntao a Cadena SER
As Marchas da Dignidade celebran manifestacións este serán nas sete cidades galegas
A Xunta prorroga un mes o reforzo no xulgado do caso Pokémon tras as queixas da xuíza De Lara, segundo recolle Europa Press
Praza Pública é hoxe a web do día na iniciativa '21 días co galego' que organiza o IES da Pobra para fomentar o uso da lingua galega entre o seu alumnado
Rumbo a Gaza lanza unha campaña de crowdfunding para colaborar na organización dunha nova Frota da Liberdade, que esta primavera buscará outra vez rachar o bloqueo marítimo imposto por Israel
Lanzan unha petición online para alertar do proxecto que pretende ocupar unha parte do parque de Bens, na Coruña, coas instalacións dun Museo da Automoción da Fundación Jove. Trátase dun espazo verde moi utilizado por deportistas ou persoas con animais.
Compromiso por Galicia presenta este serán a súa candidatura ás municipais en Santiago, encabezada por Xosé Antón López, gañador das primarias abertas do partido na cidade.
O Tribunal Constitucional anula parcialmente a lei de consultas catalá e declara anticonstitucional convocar referendos xerais, aínda que non consultas sectoriais.
O fiscal investiga por prevaricación a Medio Rural ao contratar helicópteros. Un informe de Consello de Contas censuras as adxudicacións a Inaer, a empresa que opera a maioría dos medios aéreos da Xunta.
A nova materia de Relixión inclúe rezos en clase e suprime referencias a outras confesións. O Goberno central vén de publicar os currículos para Primaria e Secundaria.