A cooperativa de produción e distribución eléctrica Som Energia, con 19 mil socios e socias en todo o Estado -250 en Galicia-, celebra a súa asemblea anual, que aprobará un proxecto de autoprodución eléctrica colectiva. Falamos con Daniel Espiñeira, impulsor do grupo galego.
O grupo empresarial produtor de pan e derivados obrigou un pequen comercio de alimentación de Vilagarcía, Tenda Galega Bembó, centrado en produtos ecolóxicos, artesáns e delicatessen, a mudar o seu nome. Falamos coa súa responsable, Vanesa Feixó.
O avogado Eduardo Ranz presenta demandas por desobediencia contra os rexedores da Coruña, Betanzos, Coirós, Verín, Celanova, Vigo e Lugo e acusa o arcebispo de Santiago e os bispos de Ourense e Tui-Vigo dun delito "contra a independencia do Estado".
Falamos con Felipe Noya, traumatólogo do Hospital Clínico de Santiago e voluntario de Médicos do Mundo, que está viaxando nestes momentos en direccción a Nepal para colaborar nos traballos de rescate e axuda ás persoas afectadas polo terremoto, que causou xa 10.000 mortes.
Falamos con Antón Masa, presidente da APDR, sobre o apoio cada vez máis explícito do PP á continuidade da pasteira en Lourizán. Critica as relacións politico-empresariais de dirixentes do PP, comezando pola participación de Rafael Louzán, este martes, na Xunta de Accionistas de ENCE
O comité de empresa da canle pública "alerta publicamente" da "manipulación" dos informativos e do "agravamento dunhas prácticas anticonstitucionais" con motivo dos vindeiros comicios locais.
As entidades organizadoras da Feira da Primavera, no barrio compostelán de San Pedro, denuncian que a negativa do Concello de Santiago a proporcionar os enganches eléctricos que lles facilitou durante anos pon en risco a continuidade deste e doutros eventos autoxestionados.
Os alumnos de oito anos de 800 centros galegos pasarán a proba a finais de maio na que se avaliarán as competencias lingüísticas, en galego e castelán, e en matemáticas. O STEG propón o boicot, a CIG pide aos profesores que non colaboren e a Confapa promove a insubmisión das familias.
O número de ciclistas mortos nas estradas españolas creceu ata os 79 en 2014, segundo a Asociación Ciclistas Galegos, que esixen o cumprimento das normas de circulación por parte dos condutores
Os sindicatos destacan os datos que evidencian o estancamento da economía galega e a precarización e temporalidade dun emprego cada vez máis escaso. CIG, CCOO e UGT e o sindicalismo "alternativo" celebran cadansúas mobilizacións denunciando a pobreza e reivindicando a dignidade.