O Concello de Ferrol anunciou este mércores que decidiu multar a Serunion, empresa que dá servizo a oito colexios da cidade, por usar aceite de xirasol e non de oliva, incumprindo así o seu contrato. Nos últimos meses son moi numerosas as denuncias recibidas polos alimentos servidos e polo seu excesivo custe.
Ethel Vázquez tomou posesión este mércores como nova conselleira de Medio Ambiente, Territorio e Infraestruturas, en substitución de Hernández, cuxo traballo na protección da natureza foi moi criticado polas forzas da oposición e a entidades ecoloxistas. Falamos con Fins Eirexas, de ADEGA.
Massamba Djitté, senegalés residente na Coruña, foi un dos mozos aos que dous locais nocturnos lle prohibiron a entrada nunha iniciativa de SOS Racismo que demostrou a discriminación racista que sofren estranxeiros nalgúns bares e pubs durante as noites de festa.
Só Compostela e Ourense teñen algún colexio no que o galego é maioritario, segundo un estudo d'A Mesa. Marcos Maceira censura o "desprezo" da Xunta pola lingua propia e alerta de que o proceso de "eliminación do galego do sistema educativo" está a ser "acelerado".
As nais e pais do alumnado do CEIP de Manzaneda protestarán este mércores contra o peche da cociña do seu comedor e a súa substitución por unha empresa de cátering. "Vivimos no rural porque apostamos por un estilo de vida saudable. Non queremos catering", di a presidenta da Anpa.
Este martes celebrará unha asemblea aberta e unha nova manifestación en defensa da xestión vecinal do centro cívico. Acusan a Caballero de "empregar recursos públicos para beneficiar aos seus apoiantes ou para retirarllelos a aqueles que non aplauden con enstusiasmo as súas ocorrencias".
Dous pubs da Coruña vetan a entrada a tres parellas estranxeiras mentres permiten o paso a un grupo galego que os acompañaba nun estudo realizado por SOS Racismo en varios locais e tamén noutras catro cidades do Estado e que revela a xenofobia no ocio nocturno.
No remate da manifestación contra a recorte do dereito ao aborto, celebrada este domingo en Vigo, Isabel Risco lanzou un reto, iniciado a pasada semana na Coruña: mollarse polos dereitos das mulleres cunha mensaxe de apoio, subindo á rede a imaxe ou o vídeo que proben a acción.
O Concello homenaxeou este domingo as persoas represaliadas na guerra civil, en especial a Castor Sánchez Martínez, alcalde asasinado en agosto de 1936. Falamos co actual rexedor, Rafael Rodríguez.
Máis dun milleiro de persoas participaron na mobilización convocada pola Plataforma Galega polo Dereito ao Aborto. O PSOE vén de esixirlle ao Goberno que remita a súa contrarreforma ao Consello de Estado.