Movementos sociais

Adega denuncia que a norma provocará lumes "máis rápidos, altos e fortes" e a deputada nacionalista Tereixa Paz, que visitou O Barco, pediu a derrogación da lei. A concentración convocada pola Alianza por un Medio Rural Vivo reuniu un cento de persoas en Valdeorras.

A Subdelegación do Goberno en Pontevedra asegura que un policía tivo que ser "atendido de lesións no nariz e na cara", defende a actuación dos axentes en Peinador e acusa os xornalistas de "invadir a zona libre de seguridade". O alcalde de Pontevedra censura "a violencia gratuíta e innecesaria" das forzas de seguridade.

O xornalista gráfico do Diario de Pontevedra foi acusado de golpear un axente, algo que el mesmo negou. O propio medio cualifica de "desproporcionada" a actuación policial. Decenas de profesionais concéntranse ante a Subdelegación do Goberno en apoio de Rafa Estévez. 

Un incendio fóra de control obriga ao desaloxo dos veciños da Veiga (O Barco). En breves momentos, máis imaxes e toda a información en Praza.

Nun momento de crise o movemento a favor do decrecemento como alternativa de futuro comeza a abrise un oco en Galiza. Aposta pola primacía das relacións sociais sobre a produción e o consumo de produto inútiles ou nocivos, mentres se reduce o tempo dedicado ao traballo para repartilo entre máis persoas como solución ao paro

O colectivo Touradas Fóra de Pontevedra cerra simbolicamente o coso da cidade pontevedresa e reitera a súa petición da "abolición das touradas e pedir a conversión das prazas en coliseos de uso cultural, social ou deportivo".

O voceiro de Anova reclama a execución da última sentenza do Supremo, que declara a ilegalidade da planta, e di que a regasificadora "é unha ameaza permanente e unha barbarie".

O Foro Galego da Inmigración cre que o Goberno pretende "responsabilizar" os sen papeis das "dificultades de sostemento do sistema sanitario" ao pretender aplicar unha taxa de 710 euros aos inmigrantes irregulares para que poidan acceder á sanidade pública. A medida afectaría a entre 10.000 e 15.000 persoas en Galicia.

A afluencia de espectadores da feira taurina foi a menor dos últimos anos malia os centos de billetes regalados. A empresa organizadora recoñece que polo momento non lle é rendible economicamente a pesar de que o Concello colaborou cuns 90.000 euros. Mentres, a concentración antitaurina incrementa o seu apoio.

O colectivo ecoloxista denuncia que as illas seguen sen Plano Reitor de Uso e Xestión e que nelas estanse a realizar "brutais desbroces" que "afectan a flora autóctonae a mortandade de vertebrados e invertebrados".

Colectivos da Coruña e Pontevedra convocan protestas contra as corridas de touros que se celebrarán no país e denuncian as subvencións, directas ou indirectas, de diversas administracións a un "espectáculo cruel e inútil, baseado na tortura, a dor e o ensañamento co touro".