A Axencia Turismo de Galicia, dependente da Presidencia, valora achegarlle á produtora do clip, gravado en Galicia, unha cantidade semellante aos 350.000 euros que puxo para a celebración do remate da Vuelta a España en Compostela o pasado setembro.
O presidente da Xunta desdeña as candidaturas municipalistas vinculándoas dialecticamente cos accidentes no mar e repróchalle a Yolanda Díaz, de AGE a "renda" de Pablo Iglesias, de Podemos. O xefe do Executivo saca peito ante os datos da pobreza e pola súa xestión industrial.
Os conservadores sacan adiante nun tenso debate a versión recortada da iniciativa lexislativa popular que pretendía a instalación no HULA dos servizos de hemodinámica 24 horas, radioterapia e medicina nuclear, prometidos por Feijóo en 2011. A Federación Veciñal anuncia novas mobilizacións e lamenta que o presidente "non teña palabra". Audio no interior
O presidente da Xunta atribúe "ás familias" a responsabilidade de "transmitir a importancia de que falen" galego "fóra da escola", toda vez que o Goberno xa o "preserva". Repasamos algunhas das medidas do actual Executivo a respecto do idioma.
O líder do PSOE defende a Constitución, "pero reformada", nunha asemblea aberta na Coruña que puxo fin á súa xornada no país, onde defendeu o federalismo para "reordenar a lea de competencias entre Estado e autonomías" e prometeu o dique flotante na ría de Ferrol se chega á Moncloa.
A maxistrada Pilar de Lara reclámalles a tres empresas facturas a nome de dous cargos da Xunta, dous deputados, o actual voceiro do PP ourensán e varios edís e ex edís por se axudaron a encubrir gastos electorais que superarían "o límite legal" e serían sufragados con doazóns irregulares.
ENTREVISTA Roberto García, reelixido secretario xeral de Unións Agrarias, fai balance dos case trinta anos á fronte da organización, mira cara ao futuro e pasa páxina tras as "falsas acusacións" que o PP fixo dunha trama agraria que non era tal, aínda que antes matice algunha cousa.
O cardeal galego múdase a un ático de 400 metros e sete cuartos pagado pola Igrexa logo de seguir vivindo mes e medio 'de prestado' no Palacio Arzobispal e tras as críticas do Papa. O seu substituto no arcebispado de Madrid afástase da visión católica radical do seu antecesor.
ENTREVISTA Pancho Casal, director xeral de Continental e produtor dunha morea de filmes en Galicia, é candidato dunha das listas que se presenta ao consello cidadán da Coruña pola formación que lidera Pablo Iglesias.
O Movemento Galego ao Socialismo celebra a súa segunda asemblea co obxectivo de "ampliar a base do soberanismo". Rafa Vilar, a súa cara máis visible, aposta pola "busca de espazos comúns" no nacionalismo que permitan que a suma de siglas "poida multiplicar á hora de chegar a máis xente".