A redución de escanos entra e sae da axenda de prioridades do PP dende hai dous anos. Presentado como asunto estrela do período de sesións, os conservadores admiten agora que tampouco a aprobarán antes do verán mentres fican sós co PSdeG no relatorio e dilúen o argumento do aforro.
O 28 de xuño de 1936 aprobouse en referendo o primeiro Estatuto de Autonomía, cuxa entrada en vigor foi impedida polo golpe de Estado franquista. Setenta e oito anos despois Feijóo atribúe aos "caprichos da historia" que os "ideais" de Castelao non puideran "cumprirse" na "desafortunada República".
Lugo é o concello máis transparente de Galicia segundo unha investigación de oito universidades no que participa a USC. Todas as cidades galegas agás Ourense logran o 'aprobado' nun estudo que subliña a tendencia á "propaganda" das webs municipais.
Banesco oficializa o seu control de Novagalicia Banco cunha nova marca comercial e garantindo boas prácticas bancarias. Os actos, aos que Feijóo asistiu como convidado, culminan unha xeira iniciada coa fusión de Caixa Galicia e Caixanova.
O BNG porriñés desvela que Nelson Santos aprobou en 2013 o pagamento dun despacho de avogados vigués para defenderse das acusacións de prevaricación continuada, suborno, malversación de fondos e tráfico de influencias. O gasto pode chegar a superar os 18.000 euros.
A EPA reflicte un incremento de 20.000 persoas desempregadas dende outubro de 2012 e as inscricións nas oficinas de emprego, un rexistro de 4.300. A oposición protesta formalmente ante a Presidencia do Parlamento porque Feijóo lle formula preguntas aos demais grupos no canto de contestárllelas.
Un grupo de deputados impulsou a comezos dos 90 o fondo de pensións voluntario e, para xestionalo, formou unha asociación a que á súa vez, impulsou unha SICAV. O Parlamento desligouse do fondo en 2009, ano no que publicacións alemás e británicas desvelaron os nomes dos seus membros, moitos dos cales din descoñecer o xeito en que se xestionaba. Nesa relación figura a práctica totalidade dos galegos que foron eurodeputados neses anos.
A imputación do alcalde de Ferrol frea de vez as esixencias do líder conservador para que os rexedores de Lugo e Ourense deixen os seus cargos. Aduanas sospeita que Rey Varela recibiu cartos de Véndex na súa etapa como concelleiro e el négao.
