A substitución do alcalde de Santiago pola súa 'número dous', Paula Prado, motivaría que a nova alcaldesa, deputada pola Coruña, tivese que deixar o Parlamento, onde a lista do PP está esgotada e habería que darlle entrada a suplentes de difícil colocación na Cámara. PSdeG e BNG reiteran a necesidade de que o rexedor compostelán deixe o cargo tras admitir as súas débedas con Facenda.
A conselleira do Medio Rural insta a oposicióna non "tirar rendementos políticos" do lume das Fragas mentres o PP acusa a PSdeG e BNG de tentar crear "outro Nunca Máis" e censura a xestión de Touriño e Suárez Canal en 2006
Os conservadores manteñen a norma que recorta remuneracións e prestacións sociais aos traballadores públicos para aforrar 80 millóns, que o Bloque apostaba por substituír reducindo gasto corrente e subindo impostos ás rendas superiores a 100.000 euros.
A oposición galega pide ao presidente da Xunta que dea a cara e aclare a súa postura ante a nova tesoirada en sanidade e educación anunciada polo Goberno central. Para o socialista Pachi Vázquez, o axuste de 10.000 millóns supón "o tiro de graza" aos servizos públicos, mentres a nacionalista Ana Pontón considérao "un golpe de estado" contra o autogoberno.
O alcalde de Santiago resístese a dimitir malia admitir que destinou 291.000 euros que tería que ter pagado a Facenda a abonar pagamentos pendentes da súa promotora inmobiliaria con bancos e provedores. O popular xa "falou" con Feijóo e asegura que o PP está "tranquilo" coa súa situación porque "non hai fraude nin delito".
O voceiro socialista no Parlamento pregúntase "onde están" os fondos que o Goberno galego di que sumou en 2011 grazas á súa xestión dos impostos e á loita contra a fraude. Se existen, di Abel Losada, deberan ter evitado "recortes".
Entra en vigor o regulamento comunitario que permite a presentación de iniciativas lexislativas populares ante a Eurocámara. Para que cheguen a ser debatidas cómpre a implicación de persoas dun mínimo de sete Estados diferentes.
O programa co que o PPdeG concorreu ás autonómicas de 2009 incluía un obxectivo idéntico ao do PSOE nas xerais de 2008. Os populares prometían oito grandes plans de emprego dos cales só un está en marcha.
Socialistas e nacionalistas fan fincapé nos duros recortes sociais do Goberno central e dubidan de que os cartos comprometidos para o AVE cheguen a executarse. O presidente da Xunta aférrase ás infraestruturas e ve "inmellorable" para Galicia o inicio da lexislatura estatal.
A Xunta de Goberno do organismo provincial do 23 de marzo contratou sen publicidade a inserción de anuncios nos distintos medios impresos, dixitais radiofónicos e televisivos do grupo Corporación Voz de Galicia, S.L.U. O obxectivo é a "difusión das actividades da Deputación de Pontevedra".