Política

A maxistrada ergue o segredo da investigación sobre un plan turístico da Deputación de Lugo xusto despois de que Pedro Sánchez avalase o líder do PSdeG, a quen agora atribúe seis presuntos delitos. O secretario xeral dos socialistas convoca de urxencia a súa Executiva Nacional para este sábado.

A Cámara galega publica por primeira vez as remuneracións dos seus membros, pero en formato pechado e non reutilizable. Durante 2015 os salarios do lexislativo sumaron 4,6 millóns de euros e os membros da Mesa cobraron máis que o presidente da Xunta.

• TÁBOA INTERACTIVA: Consulta, procura e reutiliza os datos salariais do Parlamento

O líder de Anova aposta por virar a coalición nun "partido instrumental" que facilite a súa ampliación e asegure tamén o grupo propio no caso de que se repetisen as eleccións xerais. 

O Goberno galego renuncia á promesa incluída no programa electoral do PP e adía a 2017, primeiro ano do vindeiro mandato, o obxectivo de reducir o importe dos arrendamentos da Xunta a 1,7 millóns anuais.

O líder do PSOE dáse un baño de masas na Coruña e asegura que, se goberna, terá en conta unha "axenda galega". Tende a man a Podemos pero renuncia a "un goberno só de esquerdas" e reclama "un executivo transversal" xunto a Ciudadanos.

• O líder do PSOE reúnese durante máis de media hora con Xulio Ferreiro

A Xunta vén de estrear o seu novo portal da transparencia. O sitio web ofrece algúns datos novos e recompila outros antes espallados, como as remuneracións dos altos cargos. Coñece polo miúdo con esta ferramenta os soldos do Executivo, que suman 3,6 millóns ao ano.

A sentenza do TC permitirá que os municipios ofrezan servizos sociais e sanitarios. O Colexio Oficial de Traballo Social destaca que o ditame “avala o municipalismo" e que "supón un balón de osíxeno para o cuarto piar do Benestar Social"

Aproban un borrador cos "marcos comúns" que será validado por cada plataforma local e que servirá de base para ampliar o proceso a outros procesos municipalistas e implicar a cidadanía. 

Axentes da policía xudicial incautan dous expedientes de 2011 e 2012 no consistorio coruñés referidos a contratos de bibliotecas municipais.