A emerxencia da Marea Atlántica na Coruña e a contundente vitoria de Abel Caballero en Vigo foron os factores determinantes para que os conservadores perdan o mando dos dous entes provinciais.
Pablo Iglesias non descarta un espazo de confluencia amplo ao xeito das mareas de cara ás autonómicas en Galicia, onde ve "particularidades e matices" ao igual que en Cataluña, malia reclamar que a súa formación sexa "o paraugas da referencia do cambio" a nivel estatal.
O novo goberno da Marea Atlántica cumprirá a Lei da Memoria Histórica e asumirá o compromiso adquirido polas forzas progresistas coa CRMH. Máis de vinte viais manteñen denominacións que fan alusión á ditadura fascista malia o acordo plenario para a súa eliminación de hai seis anos.
A dirección provincial dos populares coruñeses pide un novo reconto de todos os votos nulos e pide que se lle adxudiquen 46 votos na cidade da Coruña, onde a Marea Atlántica é a primeira forza por 5 sufraxios.
ENTREVISTA Rafael Cuiña será o novo alcalde de Lalín logo de que o PP perdese a maioría absoluta. Asegurada a súa investidura, negocia agora un goberno progresista xunto a outras tres forzas. Nesta entrevista, analiza a súa vitoria, o auxe das mareas e a situación de Compromiso por Galicia.
O barón provincial saca peito cos seus resultados. A provincia de Ourense rexistrou a menor caída dentro do PP, que alí retén a práctica totalidade do seu poder institucional e accede á alcaldía da capital.
O presidente da Xunta advirte de que o seu partido é o que "gañou" as eleccións municipais e desdeña os grupos da oposición que, di, "non escoitaron a mensaxe da xente" o 24M
As súas candidaturas foron dúas das principais preocupacións de Alberto Núñez Feijóo durante a campaña electoral do 24M e as súas vitorias coa Marea Atlántica e Compostela Aberta, o principal retrato da Galicia urbana nestes comicios. Propuxémoslles a Xulio Ferreiro e Martiño Noriega que se entrevisten entre si. Eis o resultado.
