O ex director xeral da Mariña Mercante protexe os seus superiores e di que el "ditaba" as primeiras ordes. Xustifica o afastamento do buque nos primeiros días, pero desenténdese do rumbo errático posterior. "Era cousa dos salvadores, aínda que eu recomendei que se mantivese lonxe da costa", dixo, tras defender a actuación da Administración española: "Fíxose un bo traballo".
O capitán do Prestige volve criticar no xuízo a xestión da catástrofe e o trato recibido polas autoridades tras ser detido. "Foi o peor día da miña vida", asegurou.
Adega denuncia que os restos da marea negra son "un asunto escuro aínda sen resolver" e advirte de que a Administración podería "estar incorrendo en ilegalidades" ao telos almacenados e sen tratamento.
A Burla está a organizar para o 1 de nadal un novo concerto expansivo, dez anos despois da gran manifestación do Obradoiro e en lembranza do evento que en febreiro de 2003 reuniu 150 actuación en toda Galicia.
O capitán do Prestige critica as decisións tomadas polo Goberno español e aclara que a opción de levar o buque "a un porto de augas abrigadas" non foi tida en conta polas autoridades.
Asegura que o rumbo decidido polas autoridades españolas nos inicios do suceso foi "o peor posible". "Levábanos a converternos nun cadaleito flotante e a afogarnos", di o capitán do buque, que se emocionou no xuízo e que recoñeceu que detectara "corrisión" nalgún tanque poucos meses antes do sinistro.
Activistas de Greenpeace despregan unha enorme pancarta no inicio do xuízo pola catástrofe na que culpan do desastre a Mariano Rajoy, Cascos, Fernández de Mesa, Arias Cañete e Jaume Matas.
O vindeiro venres 16 sae á venda 'Prestige, tal como foi, tal como fomos', unha obra de Xosé Manuel Pereiro na que se narra a crónica daquel desastre, do que aconteceu desde a traxicomédica xestión da catástrofe ata os deliros de grandeza das solucións políticas. Praza ofrece aquí un dos seus capítulos, onde se evidencia a errática toma de decisións dos gobernos.
Declarará o capitán do barco e principal acusado, Apostolos Mangouras, para o que se piden 12 anos de cadea. Hai unha década, o petroleiro lanzaba a súa primeira chamada de socorro.
Xabier Garrido, percebeiro e artista de Oia, presenta o seu monumento, un enorme tronco que será inaugurado o vindeiro 19 de novembro e que estará decorado coas máis de 1.600 pedras enviadas por voluntarios que colaboraron na limpeza da costa galega.
Greenpeace elabora dun detallado informe no décimo aniversario da catástrofe no que advirte de que outro sinistro semellante é máis que probable "mentres se continúe a depender do petróleo e mentres a Xustiza non teña os suficientes recursos para afrontar os delitos ambientais".
O mallorquín Martí Monjo prepara unha accíón visual para lembrar o décimo aniversario do Prestige: o 3, 4 e 5 de xaneiro fará voar 80 papaventos negros nas praias do Rostro (Fisterra), do Coido (Muxia) e de Traba (Laxe). Busca voluntarios para coselos e voalos.