O presidente da Xunta retruca ás críticas polo novo modelo de axudas e préstamo de libros de texto anunciando un "cheque" de 50 euros para uns 70.000 estudantes, a metade dos que Educación di beneficiar cos subsidios parciais
ENTREVISTA Felipe Trillo, profesor de Didáctica da USC, critica a "cultura dos resultados" que se atopa trala aplicación deste tipo de probas estandarizadas, que poden mellorar a "rendibilidade" pero non favorecen os procesos de ensino e aprendizaxe.
Seis anos despois de eliminar a gratuidade dos manuais escolares a Consellería de Educación lanza un modelo mixto de axudas e préstamos que indigna a comunidade educativa, sobre a que recae unha forte carga burocrática. Así é o novo procedemento. Infografía no interior.
Educación e o propio Feijóo teimaron na necesidade de acabar cos manuais prestados para que o alumnado os tivese en "propiedade" e así puidese conformar "bibliotecas familiares" nas súas casas. O modelo de axudas parciais acabou sendo máis caro que o préstamo universal.
Educación crea un "fondo solidario" de libros en dous cursos de Primaria e outros dous de Secundaria mentres mantén no resto o modelo de axudas parciais. As ANPAS alertan dun "caos" organizativo e reiteran a necesidade de retornar ao modelo de préstamo universal.
O rexeitamento da comunidade educativa á proba imposta pola Lomce provoca que ata o 60% do alumnado chamado a realizala non acudise ás aulas, segundo datos das anpas. A Xunta redúceo a un 20% mentres sindicatos, familias e docentes insisten no "innecesario" e "aberrante" dos exames.
O alto comisionado apóiase nun informe de Competencia para advertir de que centros sostidos con fondos públicos incorren en prácticas comerciais "abusivas" que mesmo poden ir contra o "principio de gratuidade da educación".
Os alumnos de oito anos de 800 centros galegos pasarán a proba a finais de maio na que se avaliarán as competencias lingüísticas, en galego e castelán, e en matemáticas. O STEG propón o boicot, a CIG pide aos profesores que non colaboren e a Confapa promove a insubmisión das familias.
O STEG explica a campaña coa que pretende "esquivar" a proba imposta pola lei Wert e que fará ránkings dos centros. Pide aos pais que non leven os fillos a clase ese día e a Xunta pretende que sexan os docentes os que corrixan os exames, o que iría contra a propia Lomce.
STEG reúnese coas federacións de Anpas de Galicia para informar de como "esquivar ou eludir" estas probas que impón a Lomce a cativos de 8 anos e reclama aos centros que se "pronuncien masivamente" contra elas e aos pais que "non leven os fillos ao centro ese día".
Un informe de Save the Children sitúa o país nun nivel "medio-baixo" en canto á igualdade de oportunidades dos nenos galegos no ensino. O estudo, baseado en varios indicadores, aproba as políticas públicas na comunidade a prol da equidade na escola, pero suspende as levadas a cabo fóra dela.