O Plan de Fortalecemento do Sector Lácteo impulsado pola Xunta celebra a súa primeira xuntanza coa presenza de tan só dúas industrias. Os produtores volven reclamar medidas "xa" máis aló das que se artellen a través deste cónclave.
As últimas estatísticas sobre o sector en Galicia revelan unha situación extrema que non dá arranxado o acordo asinado en setembro. Lactalis comprométese a trasladar a suba dos prezos aos gandeiros tras as ameazas de boicot por parte da Plataforma na Defensa do Sector Lácteo.
A Plataforma na Defensa do Sector acusa o grupo francés de "perpetrar unha estafa" ao "apropiarse" do incremento que a distribución pactara para que lle fose trasladado ás explotacións. Os gandeiros piden aos consumidores galegos que non merquen as marcas da empresa gala.
As principais industrias resístense a trasladar ás explotacións o incremento de dous céntimo por litro acordado coas cadeas de distribución. Lactalis non a confirmou, Celta tan só subiu medio céntimo e Río asegura que mantén os mesmos importes.
Os prezos do leite galego seguen a ser os máis baixos do Estado. Analizamos coa axuda dun enxeñeiro agrícola as causas e consecuencias desta circunstancia nas explotacións galegas e os seus retos de futuro.
Os produtores reclaman a Medio Rural a súa mediación para que as fábricas apliquen a suba que xa levaron a cabo as áreas comerciais tras as mobilizacións de decembro. Agromuralla decide hoxe se deixa a mobilización de Lugo ou apela ante o TSXG a resolución da Subdelegación
A Plataforma na Defensa do Sector Lácteo non descarta acudir aos tribunais se as industrias incumpren o acordo alcanzado coas cadeas de distribución. A Confederación de Empresarios de Lugo insta a Agromuralla a poñer fin ás mobilizacións e avisa que acudirá á Subdelegación.
Reclaman ás administracións que aumenten os controis para evitar a entrada de leite foráneo e critican os acordos da Plataforma na Defensa do Sector coas cadeas de distribución. O Goberno central advirte dos beneficios do acordo lácteo e cre que serán maiores a medio e longo prazo.
Os produtores suspenden as mobilizacións logo de conseguir que as seis grandes cadeas de distribución acordasen subir o prezo do leite e lamentan que o presidente da Xunta se atribúa o mérito. "Que se poña a traballar, queda moito por facer", advirte a Plataforma en Defensa do Lácteo.
O bloqueo do almacén loxístico e a presión sobre as dúas empresas en Santiago consegue dous novos acordos horas despois de que Feijóo atribuíse ao labor da Xunta o incremento nos prezos que reciben os gandeiros.
As mobilizacións continúan en Compostela contra DIA logo de que a presión dos produtores lograse pactos coa cadea francesa, con Gadisa e con E. Leclerc para subir o prezo do leite e promocionar marcas galegas. Lidl e Eroski xa decidiran aumentos no importe.