Un terzo da mocidade tolera o control na parella e culpabiliza as vítimas de violencia machista
Un estudo revela a pervivencia entre a xente nova da aceptación de actitudes como o control de horarios, o impedimento de ver a familia ou a prohibición de traballar. Mozos e mozas "tenden a exculpar o agresor e culpabilizar a vítima en maior medida que a poboación adulta", alerta.
Lois Pereiro terá Casa da Cultura en Monforte a pesar do PP
O pleno monfortino aproba a declaración do 2015 como Ano Lois Pereiro coa abstención do PP, que considera que a homenaxe ao autor "non é unha cuestión pacífica" na localidade. Audio no interior
Feijóo anuncia unha nova lei de transparencia mentres a Xunta incumpre a vixente
O presidente da Xunta promete un "programa de impulso democrático" e insta a todas as forzas políticas a facer "exame de conciencia" mentres a oposición lle reclame que comece por dar explicacións polos casos de presunta corrupción que afectan ao PP.
Rajoy, Raxoi e a corrupción
A feble memoria política colectiva e o escaso peso dos avatares políticos galegos na axenda estatal permitiron que o decorado audiovisual do mitin de Rajoy en Madrid, a Catedral de Santiago e o Pazo de Raxoi, sede do Concello compostelán, pasase practicamente desapercibido
O minguante mercado laboral galego en seis cifras
Os fluxos da poboación activa acreditan que en Galicia seguen a entrar no paro máis persoas das que saen e que deixan de ter traballo máis mulleres e homes que os que o conseguen. Segue a descender o número de persoas que traballan ou buscan traballo no país, o que reforza a tese da emigración.
As listas de espera empurran á privada doentes de Vigo, A Coruña e Santiago
As grandes áreas sanitarias do país superan a espera media de 60 días, límite a partir do que a lei de garantías sanitarias permite traspasar doentes a centros privados. A espera cirúrxica media do Sergas rematou 2014 en 80,4 días.
O solo reservado para vivenda protexida esmorece en Galicia
Tres anos despois da derrogación da lei que instaba a reservar ata o 40% do solo para pisos protexidos a media galega non chega ao 5%. A Xunta recortou dende 2009 máis do 90% dos fondos para construír vivendas de promoción pública.
Os datos desmontan a explicación do PPdeG para a caída da poboación activa
Os conservadores galegos ligan a desaparición de máis de 19.000 persoas do mercado laboral ás xubilacións e a que "hai persoas que que xa non declaran estar buscando emprego", afirmación que a propia EPA desmente. A oposición atribúeo á emigración e insta a Feijóo a reaccionar.
Feijóo deixa caer o presidente de Sogama en vésperas do pleno sobre corrupción
Luis Lamas dimite pola adxudicación ao seu bufete de avogados do contrato de asesoría xurídica dunha fundación pública na que exerce como tesoureiro. O alto cargo anuncia a súa marcha horas despois de retar a levalo "ao xulgado" a quen considerase que cometera unha irregularidade.
A Xunta tenta esquivar a trama Zeta no debate sobre corrupción
A oposición lamenta que Feijóo aposte por unha "comparecencia cara á galería" para "iniciar unha nova campaña mediática" no canto de acordar un plan contra a corrupción.
Case a metade das persoas que causaron baixa no paro durante 2014 non atoparan traballo
As baixas nas oficinas de emprego por colocación incrementáronse en algo máis dun 11% en Galicia durante o pasado ano, que rexistrou a cifra de contratos eventuais e de obra máis elevada dende o inicio da crise.
A pesca do xeito afronta o seu primeiro exame europeo
A comisión de Medio Ambiente da Eurocámara vota este mércores o primeiro informe sobre o regulamento que prohibirá as redes de deriva, nas que a Comisión incluíu inicialmente o xeito por mor da información serodia de Xunta e Goberno central.