David Lombao
O paro desbócase en Galicia e desmonta o triunfalismo da Xunta
O país conta con 16.100 parados máis que hai tres meses e 9.100 máis que hai un ano e é a primeira autonomía onde máis sobe no último ano o número de desempregados, que se sitúa xa nas 296.900 persoas.
A falla de servizos no hospital de Lugo obriga a trasladar 6.000 doentes en tres anos
Case 4.000 persoas con problemas de corazón e cando menos 2.000 pacientes con cancro tiveron que viaxar entre 2011 e 2013 pola carencia de unidades de hemodinámica, radioterapia e medicina nuclear no HULA. Feijóo prometeu na inauguración do centro estes equipamentos, cuxa instalación é unha obriga legal dende o pasado marzo.
O alcalde de Dozón sobe o seu soldo un 30% e Feijóo apóiao
O rexedor do municipio pontevedrés, de apenas 1.200 habitantes, impulsa unha modificación orzamentaria para pasar a cobrar máis de 30.000 euros ao ano por unha xornada de 25 horas semanais. O BNG, única formación da oposición, ve a decisión "un abuso intolerable".
O BNG reivindícase como única vía para que Galicia "estea" no Parlamento Europeo
O Bloque lanza a súa precampaña europea cun encontro nacional no que apelou ao seu traballo nas institucións comunitarias para presentarse como a opción que só defende o país fronte ao "desperdicio" de apoiar forzas estatais, di Ana Miranda.
A espera no Sergas segue por riba dos 80 días e impulsa o trasvase de doentes á privada
A demora media cirúrxica na sanidade pública galega está máis de 20 por días do establecido na Lei de Garantías, que abre a porta a recorrer á sanidade privada financiada con fondos públicos no caso de incumprimento dos obxectivos.
Case 160.000 persoas mozas deixaron de vivir en Galicia dende o inicio da crise
O presidente da Xunta sentencia que o país non ten "un problema de emigración de mozos" e atribúe a baixada no número de xente nova ao descenso da natalidade nos anos 80 e 90. Non obstante, os datos contradín a versión presidencial.
Prado desliza críticas á xuíza da Pokémon tras a inclusión do seu marido na investigación
A número tres do PP galego nega que 'inchase' contratos na súa época como concelleira e desliza críticas á xuíza De Lara por manter en segredo a súa declaración no xulgado pero non o informe de Vixilancia Aduaneira con sospeitas sobre ela.
A nova EPA dálle 1.000 parados menos ao bipartito e 4.000 máis a Feijóo
A Enquisa de Poboación Activa adapta o seu cálculo aos datos do censo de 2011 e indica que en Galicia hai 3.100 persoas máis sen traballo pero unha taxa de desemprego unha décima menor á indicada ata agora.
A Galicia minguante estrágalle a Feijóo a celebración de media década no poder
O presidente da Xunta aférrase aos datos do padrón de 2012 e obvia os de 2013. O INE e o IGE acreditan a saída de mocidade ao estranxeiro, a mingua de poboación xuvenil e o incremento continuado do envellecemento.
Feijóo promete un barco militar para Ferrol por segunda vez en quince días
O presidente da Xunta volve empregar a sesión de control para deslizar a posibilidade dun novo encargo para o naval ferrolán mentres o Goberno galego multiplica os actos públicos na comarca, inzadas de promesas
O PP négase a blindar as condicións laborais do persoal das contratas da Xunta
Os conservadores vetan unha iniciativa para prescindir das empresas que apliquen recortes laborais e argumentan que esta non é "unha idea brillante de Besteiro" porque a Xunta xa "traballa" nun plan semellante.
Feijóo 'celebra' cinco anos na Xunta con cinco preguntas á oposición
O presidente da Xunta fai balance da súa media década no Goberno culpando o bipartito do paro e da fin das caixas e instando a Esquerda Unida a pedir unha comisión de investigación en Andalucía.