David Lombao

Menos do 1% das persoas que deixaron de estar anotadas no SEPE en Galicia no pasado mes obtiveron colocación por unha oferta da Oficina de Emprego. No que vai de ano as baixas por colocación foron menos que as baixas por outras causas.

As sete grandes cidades do país minguaron o seu endebedamento entre 2012 e 2013 e A Coruña e Santiago mantéñense como as que máis deben. Lugo recunca como a Deputación con menos cartos por pagar.

A candidata do Bloque ás eleccións europeas asegura que non cómpre "inventar" unha "alianza de esquerdas na Eurocámara" e aposta pola "confluencia do nacionalismo galego". Ana Miranda aspira a trocar en votos o seu traballo de "lealdade co país" e chama á participación fronte a quen dá "a batalla pola abstención" nunha actitude que ve "infantil".

O embaixador israelí en España escríbelle a Pilar Rojo para reprocharlle unha declaración institucional en apoio ao Pobo palestino. Alon Bar remitiulles copias da carta aos portavoces de PP e PSdeG, ao seu homólogo conservador no Congreso e a Dolores de Cospedal.

O candidato de Compromiso por Galicia ás eleccións europeas, Paulo Carlos López, defende que "o problema non é Europa, senón quen a goberna" e asegura que o seu partido é a mellor garantía de que o país teña "voz en Europa sen depender de Madrid".

Alternativa elixe o Concello de Santiago como escenario para chamra a "derrotar democraticamente a corrupción" nas eleccións do 25 de maio. En apenas unha semana serán xulgados 7 dos 13 membros do goberno local. Audio no interior

O referente do PPdeG nas eleccións europeas opúxose en 2012 aos puntos do informe anual sobre a política da UE para os dereitos humanos que se referían a aspectos como saúde reprodutiva, liberdade de elección no ámbito sexual ou rexeitamento á mutilación xenital feminina.

A pegada de carteis para as eleccións europeas do 25 de maio inicia un longo ciclo electoral no que a cidadanía galega estará chamada ás urnas catro veces en tres anos. Os partidos inician quince días de carreira electoral entre chamadas á participación nuns comicios que son pórtico da renovación dos parlamentos europeo, español e galego e mais dos concellos.

O presidente da Xunta asegura que a confirmación de que medio goberno compostelán será xulgado non muda a situación e non promove a destitución dos edís para non "traizoar" a súa "conciencia". O alcalde, Ángel Currás, defende a continuidade e cre "inxusto" que se produza o xuízo.

A Audiencia desestima o recurso co que os edís composteláns tentaron evitar o banco dos acusados por un presunto delito de prevaricación. Sete dos trece concelleiros acordaron pagar con fondos públicos o avogado do edil de Deportes, imputado na Pokémon, e segundo os maxistrados fixérono de xeito "incondicional".

O presidente da Xunta teima en presentar o baixo número de nacementos como causa do descenso da poboación de entre 15 e 34 anos. Malia á perda dun 20% de mozos e mozas dende o inicio da crise aínda residen en Galicia 70.000 persoas novas non nacidas en territorio galego.

Os conservadores baleiran de contido a iniciativa popular para garantir as unidades de hemodinámica, medicina nuclear e radioterapia no Hospital Lucus Augusti, prometidas por Feijóo para 2011. Pola vía das emendas mudan ata o título da lei e dilatan o prazo de cumprimento ata 2016.