Marcos Pérez Pena

Unha campaña reclámalle a Google que se poida escoller o galego como lingua do sistema operativo Android, que domina o mercado, con case o 90% dos smartphones existentes en Galicia.

Nos últimos anos xurdiron cooperativas de consumo e produción eléctrica que buscan o uso exclusivo de fontes renovables e o control democrático da enerxía. A catalá Som Energia supera os 10 mil socios e en Galicia vén de nacer Nosa Enerxía Sociedade Cooperativa Galega.

A cobertura que algúns medios están realizando do asasinato de Asunta devolve á actualidade a necesidade de organismos que velen pola deontoloxía. En toda Europa existen consellos reguladores do audiovisual; en España só en Catalunya e Andalucía. As organizacións de xornalistas reclaman unha lei de Garantías do Dereito á Información da Cidadanía.

A Casa Branca escolleu Peza do Rei, un tinto da Ribeira Sacra, elaborado por Bodegas Cachín, para a Cea da Hispanidade, que este mércores reunirá a elite empresarial, política e económica del país. Un viño galego e etiquetado en galego.

Reclama a aprobación dunha Lei de Garantía do Dereito á Información da Cidadanía e a posta en marcha de mecanismos independentes capaces de defender os cidadáns das prácticas xornalísticas contrarias á ética e deontoloxía profesional.

Esta fin de semana celébrase unha nova edición da Feira Ecolóxica de Arzúa. Haberá case 50 produtores, ademais de charlas, obradoiros, presentacións e concertos.

En Galicia hai máis de tres mil núcleos de poboación que non contan con ningún habitante, segundo datos do INE de 2012. Varias destes lugares abandonados véndense en webs especializadas. Algunhas constan dun par de vivendas, outras conforman unha aldea completa, ás veces cunha gran historia detrás.

Os avós de George A. Romero, iniciador do xénero en 1968 con A noite dos mortos viventes, eran de Neda e emigraron a Cuba, dende onde o seu pai (nacido circunstancialmente na Coruña) marchou para Nova York, onde naceu o director de cine.

O ex-concelleiro arousán Francisco González xustificou parte dos gastos do Feirón Solidario supostamente organizado pola asociación Dobre Espacio cunha factura á empresa de Cabanas Rgm Producciones, da súa irmá, e co mesmo domicilio social que Acción Social, outra asociación de Fexuga con notables axudas públicas e escasa actividade.

A dimisión o mes pasado do concelleiro de Cultura de Vilagarcía, Francisco González Mariño, ao non poder xustificar unha subvención recibida por unha entidade da que fora responsable, devolveu á actualidade a Fexuga, unha federación de asociacións xuvenís próximas ao PP e con escasa ou nula actividade, detrás da que o PSdeG cre que se pode agochar un mecanismo de financiamento irregular dos populares.

A Plataforma Galega polo Dereito ao Aborto convoca unha manifestación en Compostela este sábado, Día Internacional de Acción Global por un Aborto Legal, Seguro e Gratuíto, e ante a posibilidade de que o Goberno abra en outubro o proceso para eliminar o dereito das mulleres a decidir sobre os seus corpos.

A Unión Europea achega 20 mil euros por cada 5 hectáreas desbrozadas, un traballo que se debe realizar no inverno. O comité de empresa de Seaga denuncia que "houbo casos de lumes que non foron atendidos en ningún momento polos servizos de extinción" e que "alí foron os veciños os que os apagaron".