Marcos Pérez Pena

As Xornadas Literarias do Concello de Neda, organizadas conxuntamente coa Facultade de Humanidades de Ferrol, estudan durante tres días unha figura da literatura universal, de Joyce a Virginia Wolf ou Kafka. Nesta ocasión, o protagonista será a poesía de Bob Dylan, que será analizada por Manuel Candelas (Universidade de Vigo), Vicente Araguas, que publicará este ano unha escolma de cancións de Dylan traducidas ao galego, César Candelas, ou o ex conselleiro de Cultura, Roberto Varela, recoñecido dylaniano.

Este domingo preséntase en Ourense a tradución d'A Esmorga, a novela máis popular do escritor, co título de On a bender. O libro, editado pola editorial galesa Planet, foi adaptado por Craig Patterson, cumprindo a encomenda realizada pola Deputación de Ourense e o Pen Clube, coa colaboración da Editorial Galaxia. Esta edición ten a particularidade, ademais, de que é a primeira que presenta o texto orixinal da obra, cos fragmentos eliminados pola censura.

Volven Aerolíneas Federales. Teñen novo disco (Hasta el final y más allá), recuperando cancións non editadas, maquetas e rarezas, e ofrecen dous concertos, este sábado en Madrid e o xoves 19 en Compostela. Falamos con Silvino Carreras e Miguel Costas, núcleo da banda xunto con Luis Santamarina.

A homenaxe á escritora e tradutora arousá, que desenvolveu no exilio unha intensa actividade cultural, centra os actos ao redor do aniversario da Segunda República da Comisión pola Recuperación da Memoria Histórica, nos que tamén se presentará o libro A represión franquista na comarca da Coruña, coordinado por Emilio Grandío, Dionisio Pereira e Eliseo Fernández.

Unha concentración diante da oficina central do BBVA na cidade conseguiu evitar o desafiuzamento do café bar O Carballo. Os afectados denuncian que a entidade adquirira un compromiso verbal polo cal se comprometían a venderlle o negocio se este ingresaba o diñeiro da hipoteca, cantidade que conseguiron mediante un crédito con outra entidade, chegando a hipotecar unha vivenda. Porén, o BBVA pareceu retractarse do compromiso adquirido, até que este martes, a presión social fixo que o banco aceptase saldar a débeda contraída. Galería no interior.

O francés analizou na primeira xornada da Semana Galega da Filosofía, organizada pola Aula Castelao, o derrubamento das conquistas sociais propiamente europeas, "dereitos sociais en perigo debido ás medidas ultraneoliberais de gobernos títere de institucións económicas con cargos non electos polos cidadáns". Para facer fronte a esta situación, o politólogo contrapuxo casos recentes de América Latina (Arxentina ou Ecuador), nos que a presión popular puido suavizar a presión financeira.

Queremos Galego convoca unha mobilización en Santiago de Compostela no Día das Letras baixo o lema “Paremos os ataques contra o galego", en protesta pola “política de desmantelamento da cooficialidade lingüística” e de “caza de bruxas contra o galego” emprendida polo goberno de Alberto Núñez Feijóo. Carlos Callón recoñece un "mellor talante" en Valentín García, pero non advirte diferenzas coa xestión de Anxo Lorenzo.

Em junho de 2010 a Associaçom Cultural A Gentalha do Pichel foi sancionada com umha multa de 1500€ por colocar umha faixa na praça na qual se celebrava a cacharela. Nela podia-se ler "na Galiza só em galego" Esta multa de 1500 € por "ocupaçom indevida da via pública" está imposta polo anterior bipartido e executada polo presente governo municipal. Neste 9 de abril terá lugar o julgamento contra a associação, que propôs que este dia fosse declarado Dia do Asociacionismo Cultural. Falamos con Maca Igrejas.

O realizador Pela del Álamo presenta N-VI, un documental que competirá no Festival de Cinema de Málaga e que conta a historia da vella estrada que unía Galicia e a meseta, as súas xentes e as vilas que agora, a 120 kilómetros por hora, xa non vemos.

A Susana Moo coñecémola en 2008, cando gañou o certame de microrrelatos eróticos organizado por Vieiros Ferve a Rede. Despois, colaborou en medios como Certo.es, e tamén no propio Vieiros, no que elaborara unha serie de relatos eróticos con políticos galegos como protagonistas para as eleccións de 2009. O seu blog Erotómana converteuse nun recuncho moi popular na Internet do país, cunha ampla produción de relatos eróticos que mesmo foron publicados en formato libro.

Serafín González, investigador do CSIC experto en recuperación de solos e presidente da Sociedade Galega de Historia Natural, despois de analizar os danos causados, cre que o corazón da Fraga se pode rexenerar. Recomenda facer traballos urxentes de protección do solo, non talar as árbores e restrinxir o acceso dos visitantes ás zonas queimadas.

Citizen fíxose cos premios ao mellor espectáculo, mellor director (Xesún Ron), mellor actriz (Patricia de Lorenzo) e outros dous galardóns. E a traxectoria da propia Sala Nasa foi homenaxeada co Marisa Soto, nunha gala que tamén recoñeceu a Avelino González cos premios ao mellor texto e á mellor adaptación. Os recortes económicos estaban no ambiente e houbo referencias constantes pero sutís á falta de apoio público. Xesús Ron chamou a "tender pontes á sociedade" e á "facer teatro xuntos". Galería e audios no interior.