Marcos Pérez Pena
A 'Democracia 4.0', unha utopía que se vai facendo real
O 15M aposta con forza por mecanismos de participación directa dos cidadáns na toma de decisións políticas coma este. Proponse que todos as persoas maiores de idade poidan votar no Congreso dende as súas casas, a través de Internet, representando cen mil votos un escano.
"A lingua é adictiva"
A optimista reflexión do escritor Marcelino Fernández Mallo, que di que cando unha persoa decide comezar a usar o galego "despois non pode parar", convídanos a pensar sobre a normalización do idioma e os ataques que vén recibindo nos tres anos de goberno de Alberto Núñez Feijoo nun vídeo elaborado por Xosé Bocixa en conversa con Lois Dieguez, Xurxo Souto, F. Xosé Fernández Naval, Antía Otero, X. R. Freixeiro Mato, Dores Tembrás, Estibaliz Espinosa, Pilar Pallarés ou Ánxeles Penas.
O Concello da Coruña subvencionará indirectamente a feira taurina
Aproba as condicións da licitación do espectáculo, que constará de tres touradas, e comprométese a "instalar e engalanar a praza", ademais doutras prebendas, como a cesión da banda municipal e a exención das taxas correspondentes, uns favores que sumados ascenden a 79 mil euros, segundo Galicia, mellor sen touradas.
“Eu non podo escribir nun xornal que non podo ler”
Ramón Chao falou na Fundación Paideia da Coruña sobre A censura no franquismo e agora, nun acto organizado polo Ateneo Republicano e o 15M e presentado por Ferrín. O xornalista dixo que "antes a censura exercíana os políticos, e agora os grandes empresarios e os editores dos medios"
"Feijoo non sería capaz de dicir o que fixo en tres anos, porque non fixo nada"
Anxo Guerreiro foi deputado do PCG na primeira lexislatura do Parlamento Galego, e recuncou en 1997 con Esquerda de Galicia, en coalición co PSdeG. Fala con preocupación da situación económica, das medidas da axuste e dos erros estratéxicos da esquerda: "vai haber cambios de goberno en Europa, pero ademais fai falla que a socialdemocracia, que seguirá sendo maioritaria en Europa, cambie de actitude".
O Concello do Irixo rexeitou por unanimidade a instalación dunha incineradora na comarca en 2011
A moción, presentada polo daquela concelleiro nacionalista Óscar Freixedo, foi apoiada polo Partido Popular. O Encontro Irmandiño pide a dimisión do alcalde, Manuel Penedo, e dos restantes concelleiros populares.
"Non basta con indignarse. O 15-M ten que pensarse como un catalizador de procesos"
Falamos con Raimundo Viejo, Manuel M. Barreiro, Antón Fernández de Rota, David Rodríguez, Antón Gómez-Reino e Víctor Sampedro sobre a evolución do movemento, as perspectivas actuais e as estratexias que no futuro debería adoptar a cidadanía crítica na procura dunha política transformadora e unha saída alternativa da crise económica.
Profesorado, estudantes e PAS, unidos contra o decreto de universidades
A Plataforma Unitaria en Defensa da Universidade Pública chama a un paro de dúas horas este xoves pola mañá para apoiar a folga estudantil convocada na USC contra a suba das taxas, que poderían ascender un 66%, segundo denuncia a Liga Estudantil. Hai manifestacións convocadas ás 12 na Praza do Toural en Compostela e diante da Biblioteca Intercentros do Campus de Lugo.
O 15M volve ás rúas con máis razóns ca nunca
O sábado 12 de maio o movemento de indignados e indignadas volve as rúas, nas primeiras manifestacións que convoca dende o 15 de outubro e que se insiren nunha mobilización global (haberá marchas en todo o planeta) a prol dun cambio de sistema. O 15M fai un ano, sen o impacto mediático dos primeiros meses e sen a presenza masiva e constante nas prazas, pero con máis motivos para a mobilización e o valor do traballo conxuntos con outros colectivos. Falamos con membros dalgunhas das asembleas do movemento en Galicia.
Stop Desafiuzamentos tenta deter o desaloxo dunha familia en Compostela
Novagalicia Banco ameaza con botar da súa vivenda a Sandra, de 25 anos, a súa nai e o seu irmán pequeno, por non poder pagar a hipoteca asinada por seu pai, que abandonou o domicilio e agora se atopa en México.
"Se a oposición se puxese de acordo nun proxecto compartido para este país, gañaría claramente as eleccións"
Ceferino Díaz foi deputado no Parlamento galego entre 1981 e 1997, e voceiro do PSdeG-PSOE, representando nestes anos a súa corrente máis galeguista. Despois incorporouse ao Congreso dos Deputados, onde permaneceu até 2011. No ano 2008 publicou o libro de memorias A esforzada conquista da autonomía. Falamos con el da Transición, o proceso autonómico e as ameazas recentralizadoras, da crise económica e do momento político actual. Repite dúas palabras por riba doutras: Galicia e proxecto.
Estes son os temas que os medios cataláns censuraron o pasado ano
O Anuari Mèdia.cat publica os 15 temas informativos de meirande importancia que os xornais, radios e televisións de Catalunya, Valencia e Baleares silenciaron, ocultaron ou terxiversaron durante o 2011. A iniciativa presentouse este xoves, Día Internacional da Liberdade de Prensa, no Colexio de Xornalistas de Catalunya, e toma como modelo o Project Censored estadounidense,