Marcos Pérez Pena

Lisabö actuarán este sábado na sala Karma de Pontevedra, na festa de aniversario de Desconcierto. Adorados pola crítica e envexados por músicos e bandas, o seu último álbum, Animalia Lotsatuen Putzua, foi escollido por Rockdelux como o mellor disco español do 2011.

Este venres e sábado celébranse en Pontevedra as Xornadas por un Medio Rural Galego Vivo, que analizarán a súa situación dende distintas perspectivas: reforma da PAC, as políticas de emprego do rural, as políticas ambientais ou a xestión dos montes comunais. Ademais, constituirase unha Alianza de traballo entre ADEGA, CIG, FRUGA e as comunidades de montes.

O semanario Sermos Galiza comezará a funcionar o vindeiro xoves 26 na rede e publicará o seu primeiro número en papel ao redor do 17 de maio. A súa redacción, formada por cinco xornalistas, afirma que a cabeceira "ten a vontade de sumar esforzos e de converterse tamén en rede de colectivos e persoas. Queremos ser o seu altofalante”

As Ataque Escampe fan dez anos, pois aínda que o grupo comezou a ser coñecido a partir de 2007, dende o 2002 levou a cabo un proceso (aínda máis) underground e amateur de formación. Esta noite celebrarano na Sala Moon de Compostela, cun concerto no que repasarán as súas cancións máis coñecidas de todas as épocas.

César Calderón vén de presentar Otro Gobierno, un libro que analiza as razóns do progresivo afastamento dos cidadáns das propostas dos partidos de esquerda, para a que propón unha nova axenda política. Calderón é consultor e desenvolve estratexias de Open Government para a construción de administracións máis abertas e nas que os cidadáns poidan participar directamente.

O goberno municipal da Coruña anunciou este mércores que deixaría de financiar os festexos taurinos coa subvención directa de 130 mil euros que entrega anualmente. Porén, os colectivos opostos a este espectáculo piden que deixe de cederlle de balde o recinto do Coliseo, unha subvención indirecta de 120 mil euros. O Concello da Coruña gastou case un millón e medio de euros nas touradas na última década.

Un dos primeiros contratos da Axencia de Modernización Tecnolóxica de Galicia segue apostando polo software propietario, no canto do software libre e o aforro de cartos públicos que suporía. En tempos de crise e austeridade, a Junta de Extremadura aforra máis de 30 millóns de euros cada ano polo uso de estándares abertos na administración.

Xunta e ASPAPEL (Asociación Española de Fabricantes de Pasta, Papel e Cartón) queren fumigar as plantacións de eucalipto contra o gorgullo cun pesticida nocivo para as abellas, o fluxfenuron, que acaba de ser excluído da lista de produtos fitosanitarios autorizados pola Comisión Europea

César Santiso é o unico concelleiro de Esquerda Unida na Coruña, grazas ao éxito electoral acadado nas últimas municipais, nas que obtivo o 6% e ficou a unha ducia de votos do segundo edil. Transporte público, participación cidadá, touradas e desempregos son os eixos da súa acción no Concello. Audio no interior

Labregos do tempo dos Sputniks doarán os mil euros que recibiron por actuar na Cidade da Cultura á escola galega Semente. A formación participou esta fin de semana nunhas xornadas dedicadas a Celso Emilio Ferreiro.

As Xornadas Literarias do Concello de Neda, organizadas conxuntamente coa Facultade de Humanidades de Ferrol, estudan durante tres días unha figura da literatura universal, de Joyce a Virginia Wolf ou Kafka. Nesta ocasión, o protagonista será a poesía de Bob Dylan, que será analizada por Manuel Candelas (Universidade de Vigo), Vicente Araguas, que publicará este ano unha escolma de cancións de Dylan traducidas ao galego, César Candelas, ou o ex conselleiro de Cultura, Roberto Varela, recoñecido dylaniano.

Este domingo preséntase en Ourense a tradución d'A Esmorga, a novela máis popular do escritor, co título de On a bender. O libro, editado pola editorial galesa Planet, foi adaptado por Craig Patterson, cumprindo a encomenda realizada pola Deputación de Ourense e o Pen Clube, coa colaboración da Editorial Galaxia. Esta edición ten a particularidade, ademais, de que é a primeira que presenta o texto orixinal da obra, cos fragmentos eliminados pola censura.