Marcos Pérez Pena

Franc3s, Triángulo de Amor Bizarro e Lowcos abren este venres en Carballo un ciclo de concertos dedicado ao deseñador, falecido o pasado ano, e que este día faría 41 anos. Disco Las Palmeras, The Cobras, Fantasmage ou Srasrsra actuarán en novembro e decembro

Ángel de la Cruz recibirá o premio ao mellor guión adaptado no Festival de Cine Internacional de Ourense por Engurras. Critica a falta de apoio público á industria cinematográfica e, sobre todo, as declaracións do ministro de Facenda 

A Fundación Ciudadana Civio bota a andar a web Quien Manda, un "mapa do poder en España" que busca sacar á luz as relacións entre o poder político e o poder económico e reivindicar "transparencia" para a actividade dos lobbies, hoxe moi opaca. Falamos con Javier de Vega.

Sinala que a "maioría dos medios galegos que máis cruentos están a ser no tratamento pseudoinformativo do caso levan tres anos con continuos recortes dos seus cadros de persoal, ERES, e rebaixando brutalmente os soldos"

Equo fai públicos os resultados da Carreira de Medios de Transporte, celebrada hai unhas semanas entre Praza América, Porta do Sol e o Calvario. Bicicleta eléctrica, bicicleta, moto e autobús obteñen os mellores resultados, tanto en velocidade coma en custe. O vehículo privado vese prexudicado, sobre todo, polas dificultades para aparcar

Este xoves A Nave de Vidán acolle un novo Debate na Praza, que afondará no efecto que a crise económica está tendo para os recortes sociais. Participarán o xuíz Luis Villares, o ex deputado Carlos Aymerich e Xulio Ferreiro, profesor da UDC.

Medio cento de activistas impediron o acceso da comitiva xudicial á vivenda, e a expulsión foi adiada indefinidamente. Porén, o xuíz di non ver "base legal" para suspender o lanzamento e Stop Desafiuzamentos alerta de que, ao igual que no caso de Aurelia Rey, a expulsión podería producirse en calquera momento.

O Faiado da Memoria inaugura unha nova fase, xeolocalizando as imaxes da cidade arousá e a súa comarca, e ligándoas ás imaxes actuais de Google Street View para advertir cunha soa ollada os cambios experimentados polas paisaxes urbás.

Salvemos Cabana alerta dos problemas que segue xerando a mina de cobre e ouro a ceo aberto de Touro, pechada hai 25 anos.  O espazo é sinalado decote como un "exemplo" de restauración do medio ambiente, pero a entidade denuncia que os residuos que segue xerando contaminan os campos e ríos próximos.

GZ Imaxinaria é unha cooperativa de Cultura Libre que xorde do tecido asociativo e creativo. Alg-a Lab, Axóuxere Editora, Adtlántica TV, Reciclaxe Informática, Buseira..., son algunhas das entidades e proxectos que a conforman. 

O Tribunal Superior de Justicia de Madrid acepta o recurso de Equo e anula a autorización para a construción da planta, por estar a menos de dous quilómetros de núcleos habitados. O Comité Cidadán lembra que a distancia de Reganosa con Mugardos ou Ferrol é moito menor

Varias ducias de persoas concentráronse este luns en Cabanas ante a vivenda de Sandra, na que vive co seu fillo de tres anos, a súa nai e a súa irmá. Mentres, Stop Deshaucios convoca unha vixilia ante a casa de Elisabeth, no coruñés barrio do Castrillón, para impedir o desafiuzamento previsto para a mañá do martes.