Marcos Pérez Pena

O Acordo Comercial de Antifalsificación foi xa aprobado por 22 países da UE, ademais de Estados Unidos ou Xapón. Porén, a el opóñense catro comisións do Europarlamento e cinco denuncias presentadas por cidadáns, unha delas apoiada por tres millóns de sinaturas, por considerar que vulnera a privacidade dos usuarios de Internet.

Este xoves présentase LEGA (Lecer Galego), un portal que quere recompilar, crear e promover recursos lúdicos dixitais con licencias libres. É unha iniciativa de GalegoLab, a plataforma de crowdsourcing na que se desenvolveron algúns destes contidos. Entre eles están Galegogym -un CD de música para facer fitness en galego-, videoxogos en galego ou recursos relacionados coa astronomía. Falamos con Xabier Seixo, encargado do desenvolvemento de LEGA.

Esther Vivas, activista, investigadora e membro de Izquierda Anticapitalista, presenta este xoves na Asociación Cultural Bou Eva o seu libro Planeta indignado. Ocupando el futuro e o venres participa tamén en Vigo no Congreso Internacional de Agricultura Ecolóxica. Audios no interior.

A coordinadora de loitas denuncia a actuación da empresa na construción dunha central hidroeléctrica en Guatemala, que conta co rexeitamento das comunidades indíxenas e pide a paralización do proxecto. 

O BNG presentou 90 emendas ao regulamento marco da Reforma da Política Pesqueira Común para 2014-2020 procurando, por exemplo, que o límite para que un barco sexa considerado frota artesanal pase de 12 a 15 metros de eslora.

Iván Prado acaba de regresar de México, onde durante semanas organizou cos Pallasos en Rebeldía o Festiclown Wurikuta, de apoio ás comunidades indíxenas. Prepara para 2013 o Festiclown pola Terra, un grande evento que terá Chiapas ou Ciudad Juárez como escenarios. Audios no interior.

A Comisión da Propiedade Intelectual actúa contra os servizos de almacenamento pero podería multar ás webs que publiquen enlaces denunciados con até 600 mil euros. A primeira páxina contra a que operou é bajul.com

Este sábado, a partir das seis da tarde, expertos e activistas de Catalunya, Portugal, Holanda e Galicia analizarán a situación actual das touradas, as subvencións que reciben a posibilidade de que sexan prohibidas en Galicia. Os seus organizadores sinalan o 2015 como obxectivo para eliminar as touradas na Coruña.

Isabel Vilalba, nova secretaria xeral do Sindicato Labrego Galego despois da renuncia de Carme Freire, di que manterá os eixos de traballo aprobados no último congreso: unha política agraria que manteña uns prezos dignos para os produtores e un tecido económico e social no medio rural, e que asegure alimentos de calidade.

O xornalista uruguaio convocou centos de persoas en Compostela (e moitas ficaron fóra) para a presentación do seu novo libro, Los hijos de los día, un relato moral sobre a actualidade. Audio no interior.

As sondaxes indican unha total igualdade entre a coalición de esquerdas Syriza sobre os conservadores de Nova Democracia. Syriza, liderada por Alexis Tsipras, aposta por renegociar o acordo coa troika, eliminar a conxelación de salarios e pensións e elevar os impostos para as grandes empresas. Porén, apostan por seguir no euro. En toda Europa as forzas conservadoras levan semanas advertindo dos "terribles efectos" que podería ter unha vitoria da esquerda.

Trátase dunha rede libre, pola que unhas trinta persoas en Teixeira e Praduzelo (Samos) acceden á alta velocidade por corenta euros ao ano. Foi iniciativa da Asociación Valongo de Luzara, que vén de poñela en marcha tamén en Loseiro (Sarria).