Marcos Pérez Pena

Os traballadores e traballadoras do teatro, a danza e o circo en Galicia chaman a unha mobilización en Compostela, coincidindo co Día Mundial do Teatro. Reivindican o dereito da cidadanía á cultura, e a dignificación do seu traballo, nun sector que emprega máis de dúas mil persoas no noso país.

O Máster de Acupuntura e Moxibustión, organizado polo Departamento de Fisioloxía da Facultade de Medicina, inclúe cursos de Auriculoterapia, Acupuntura para o tratamento da dor e teoría básica da medicina tradicional chinesa.

O poeta e profesor universitario granadino Luís García Montero ofreceu un recital no encontro literario Coruña Mayúscula, organizado na cidade herculina co gallo do Día Mundial da Poesía. Audio no interior.

O xornal soberanista, que chega cada mes a máis de 800 subscritores, celebra a súa primeira década de traballo cunha festa no Avante de Santiago de Compostela e coa vista posta no futuro: seguir crecendo, seguir mellorando, co obxectivo de se converter en semanario e profesionalizar a súa redacción. Falamos co seu director, Carlos Barros.

O 30 de marzo estréase Vilamor, primeiro nas salas de Lugo, Ribadeo, Monforte, A Rúa e O Barco, e nas semanas seguintes por toda Galicia. O novo filme de Ignacio Vilar conta a historia das comunas hippies que nos anos setenta se instalaron na Montaña lucense. E cóntao en galego, o que non debería ser noticia, pero aínda o é.

Dialogamos con Isaac González, José Antonio Sanjurjo ou Colectivo Oruga sobre a situación da música electrónicas en Galicia: As tendencias, os grupos, os espazos e o fito que supuxo a organización en dúas ocasións do Sónar que non repetirá.

2012 pode ser o ano de Telephones Rouges. Despois de anos de maquetas, eps, concursos, concertos e participación en discos colectivos, en outono publicarán o seu primeiro LP. Dende O Grove e facendo ruído.

2011 foi un ano prolífico para Fran Alonso: Unha década despois de Males de Cabeza, regresou á narrativa para adultos con Ninguén. Tamén editou poesía: O meu gato é poeta e Transición. E unha compilación de entrevistas, Contesta ou Disparo, que distribuíu en formato dixital. E aínda ten pendente Poemario, que publicará nos vindeiros meses. Falamos con el de literatura, de edición, das novas tecnoloxías, de política e mesmo sobre Vigo. Audios no interior.

Cinco días despois de que Máis Galiza decidise abandonar o BNG, o que fora o seu líder, Carlos Aymerich, que apostou por permanecer na fronte, falou na Coruña sobre O futuro da esquerda.

Os mariñeiros ferroláns acusados de "desordes públicas, desobediencia grave á autoridade e coaccións graves" por deter en maio de 2007 os gaseiros que se dirixían a Reganosa terán o xoves 22 a primeira sesión do seu xuízo. Din que non se arrepinten: “A razón está da nosa parte, deberíamos ternos mobilizado máis, máis e máis xente”.

Manuel Rodríguez Carballeira, Lalán, coordinador do Comité Cidadán de Emerxencia para a Ría de Ferrol, denuncia que case cinco anos despois da entrada en funcionamento de Reganosa, "demostrouse que é unha instalación ilegal e perigosa, ademais de deficitaria e innecesaria". Así mesmo, denuncia a "complicidade entre a empresa e a administración" e chama a atención sobre  o xuízo contra un grupo de nove mariscadores, acusados de deter o Galicia Spirit en 2007, e que comezará a semana que vén: "A idea é botar os mariscadores da ría". Vídeo no interior.

O avogado ourensán defende seis dos oito mariscadores que a semana que vén serán xulgados por impedir a entrada dos dous primeiros gaseiros que pretendían deixar a súa carga en Reganosa, en maio de 2007. A pesar de que na acción participaron ducias de barcos e de que ao redor de 300 persoas se autoinculparon dos feitos, a Fiscalía concentrou as acusacións en nove persoas. Audio e galería de imaxes no interior.