Miguel Pardo

Así o recoñeceu o ministro Montoro tras unha interpelación do BNG no Congreso, onde recoñeceu que seguiron chegando notificacións malia a paralización das multas e tras insistir en que Facenda seguirá aplicando a retroactividade e regularizando a tributación desde 2008.

Varias das organizacións políticas reunidas co movemento cidadán, dispostas a integrarse nel e renunciar á súa propia candidatura na Coruña. Á espera de concretarse o programa, EU, Anova, ecosocialistas ou Equo parecen convencidos dunha decisión que non descartan nin Podemos nin BNG.

Un encontro entre o Deportivo e o Vigo Football Club foi o primeiro filmado e proxectado en todo o Estado, segundo revela Cihefe, Centro de Investigacións de Historia e Estatística do Fútbol Español.

Catro emigrantes galegos reflexionan antes da Diada sobre o proceso soberanista e a consulta. Malia as súas diferentes posicións, todos coinciden en que a situación non é tal como se conta e en que o pobo ten dereito a ser consultado. "Nós tamén queremos votar", din.

Á plataforma Galiza con Catalunya únese agora a delegación galega da ANC, que transmite desde o país o valor da "revolución tranquila e pacífica" que desenvolve o pobo catalán e o "exercicio de democracia real e práctica" que suporía o referendo do 9 de novembro.

A plataforma do Baixo Miño recorre as numerosas e "arbitrarias" sancións que lles foron impostas por mobilizarse contra as antigas caixas de aforro e que superan os 18.000 euros e as vinte persoas afectadas. O colectivo ve nelas un intento de "criminalización" e sinala a Louzán.

Cos dous grandes, Deportivo e Celta, xuntos de novo na elite, Galicia aumenta o seu protagonismo nunha Primeira División con cada vez máis xogadores da terra e moitos deles líderes e estrelas dos seus equipos.

'North West Football Magazine' é un proxecto xornalístico que nace coa idea de descubrir "o contido humano que se agocha tras moitas das historias" do deporte rei en Galicia.

Continúa coa vaga de multas aos pensionistas a pesar de que o Estado anunciou hai máis dun mes que as retiraría. A Axencia Tributaria asegúralles que continuará co proceso ata que se reforme a normativa.

A Marea Atlántica da Coruña chama aos diferentes procesos de confluencia que agroman no país a crear un ámbito común de cooperación ante o desafío das municipais. Somos Maioría celebra este domingo unha xuntanza cos impulsores de iniciativas creadas ao seu abeiro en varias vilas.

A galega Pilar Fernández coordina a campaña internacional 'Solidarity with Scotland' e explica o proceso que se vive nun país que afronta coa incerteza do resultado o referendo do vindeiro 18-S. "A independencia é unha cuestión de xestión de recursos e non de identidade", di.

Somos Maioría, cuxo manifesto deu pulo á confluencia da esquerda en varias vilas, celebra unha xuntanza nacional este domingo en Compostela tras as reunións de asinantes en máis dunha ducia de localidades. A iniciativa aclara que as 'mareas' "son compatibles e partes dun mesmo proceso".