Alcaldes galegos do PP rebélanse contra a reforma enerxética de Rajoy
Os rexedores de quince concellos con instalacións eólicas, oito deles gobernados polos populares, asinan un manifesto contra os recortes ás enerxías renovables e advirten dos nocivos efectos no emprego e na economía dos seus municipios.
O "absurdo debate" sobre o polbo
Expertos advirten de crear polémica sobre un tema "sobre o que non hai nada que debater nin discutir". A RAG prefire non se pronunciar até que o fagan os seus expertos en lexicografía, que teñen "clara a postura" pero advirten tamén de non avivar a discusión.
Galicia reforza a súa loita cara á abolición das touradas
A Fundación Franz Weber, con máis de 250.000 socios, adhírese a Galicia Mellor Sen Touradas, internacionaliza o traballo contra os festexos taurinos e fornece o colectivo de maior infraestrutura, profesionalización e recursos económicos tras seis anos de exitosas iniciativas.
O "ano quente" co que os emigrantes retornados ameazan a Facenda
"Non vai haber sanción sen resposta; será un ano de mobilización e loita", advirten os pensionistas afectados pola campaña da Axencia Tributaria, logo de confirmarse que o Goberno continuará "coa vaga represiva" que aumentará en 10.000 as inspeccións en Galicia.
O camiño que trae de volta a selección galega
A Federación traballa en tres posibles encontros da 'Irmandiña' -dous deles contra Cataluña- para este mesmo ano, nunha iniciativa na que tiveron moito que ver Fernando Vázquez e Johan Cruyff e que non suporía gasto ningún para a Xunta.
Novo ano, novo (e máis caro) copago
A Xunta deberá aplicar neste mes de xaneiro o repago en fármacos hospitalarios que afecta milleiros de enfermos crónicos e contra o que se rebelaron varios concellos. Feijóo segue sen recibir a Iniciativa pola Gratuidade da Sanidade, que anuncia novas mobilizacións para a semana.
Pemex apraza por quinta vez a adxudicación dos floteis que prometeu Feijóo
A petroleira non decidirá ata xaneiro se Galicia constrúe os dous buques que a Xunta prometera hai un ano e tres meses. A decisión estaba prevista para esta medianoite.
Cinco anos sen selección galega
O 28 de decembro de 2008 a selección galega disputou o seu último partido, xusto antes de que a Xunta impedise que continuase a xeira de encontros iniciada en 2005. O colectivo Siareiros Galegos mantén aceso o lume da Irmandiña mentres a Federación Galega de Fútbol traballa na recuperación do combinado absoluto para 2014. Vídeo no interior
"Se temos lingua e temos cultura, temos que ter dereito a ter unha selección"
A Plataforma Pro-Oficialidade Galega homenaxea este sábado a Pilar Neira pola súa "incansable loita" pola "dignificación do deporte feminino e polo dereito do país a ter seleccións propias". A ex futbolista e adestradora confía en recuperar o partido de Nadal para Galicia o vindeiro ano.
A querela arxentina contra o franquismo colle pulo en Galicia
A Comisión pola Recuperación da Memoria Histórica da Coruña únese ao proceso aberto en Bos Aires contra a ditadura franquista para que "sirva de impulso a represaliados ou familiares" para presentar denuncias e pide o procesamento dos ministros franquistas aínda vivos.
Lendoiro abandona o Deportivo tras 25 anos na presidencia
Anuncia que non se presentará á reelección logo de perder o apoio dos accionistas na última xunta. "O deportivismo quere un cambio", di quen marcha do club coruñés logo dunha exitosa colleita deportiva pero deixando a entidade nunha precaria situación económica e institucional.
Alternativas reais para que os concellos se 'libren' de Sogama
Adega publica difunde medidas, baseadas na compostaxe gradual, para que os municipios aforren e reduzan a dependencia da planta de Cerceda. "A rebelión non pode ficar só no económico; trasladar a presión á Xunta para moderar o 'taxazo' non pode ser o único obxectivo", di.