Montse Dopico
"Hai unha presenza da temática lesbiana na literatura que unha e outra vez é relegada pola crítica"
Mulleres rebeldes protagonizan as novelas de María Reimóndez. E En vías de extinción, a súa última obra, non é unha excepción. Gaia, unha moza galega, feminista e nacionalista, con orixes no rural e cunha forte personalidade inicia unha relación cunha cantante famosa. Falamos con María desta novela e tamén da súa intervención no último congreso da Asociación Internacional de Estudos Galegos, arredor do lesbianismo na literatura.
“A crise é unha guerra económica contra unha parte da poboación á que se tenta culpar con mentiras”
As consecuencias do capitalismo salvaxe.A deriva antidemocrática das democracias. A agresividade soterrada. As identidades disidentes. Son inquedanzas nas que a obra de Mario Regueira, que vén de publicar novela e poemario, se recoñece
A distopía tornouse realidade: a ficción científica como metáfora do control total
O Gran Irmán de Orwell saltou dos réximes totalitarios ás democracias televisivas. E os seus mecanismos de control social tornáronse cada vez máis sofisticados. O futuro xa está aquí, e amosa conexións coas distopías de Orwell, Huxley e Bradbury
“Murguía sabía que un movemento tan elitista como o rexionalismo era incapaz de acadar a autonomía galega”
Non era Murguía un home sen contradicións. Pésimo estudante, peor administrador dos seus propios recursos económicos, ser irascible e mesiánico... Mais o seu non deixa de ser “o caso máis asombroso de fidelidade a un país”, segundo di Xosé Ramón Barreiro Fernández na súa obra Murguía, que acaba de publicar Galaxia.
“Aposto nas novelas pola vía da esaxeración á hora de propoñer unha solución política revolucionaria”
Unha Máquina intelixente decide botarlles unha partida aos humanos. Aliada cos desposuídos do mundo, organiza unha sorte de guerra de guerrillas contra o capital. Esta é o cerna da historia que Alberto Lema conta en Da máquina (Galaxia), que amosa varias conexións coa súa anterior obra Unha puta percorre Europa.
“Obras absurdas, pensadas coa mentalidade colonial do franquismo, tamén se fan agora”
Anxo Angueira volve homenaxear a navegación, e a terra de Iria, na súa nova novela. E faino cavando outra vez na foxa da memoria. En Pensa Nao atopara nela o movemento asociativo da sociedade labrega da Segunda República e a súa destrución polo golpe franquista. En Iria (Xerais) deu coa resistencia antifranquista organizada desde o nacionalismo nos anos 60.
"Temos que repensar o noso concepto de delito, e de mal"
As actrices Clara Gayo, Rula Blanco e Rocío González non precisan máis que da palabra e do movemento dos seus corpos para meter ao público nas pezas fundamentais do sistema carcerario. Nunha obra, Queda terminantemente prohibido sufrir nas paredes, que incomoda. Que convida a repensar o concepto dominante de delincuencia nun tempo de grandes estafas de guante branco e precarización das vidas da maioría da poboación.
"ACadaCanto quere ser como un refuxio nun mundo que nos impón un ritmo de vida antinatural"
"Hai poesía en todo momento, mira como morre o sol". E este só verso resume ben o sentido de todo o disco: a procura da beleza como acubillo. Xabier Díaz, Guadi Galego, Guillerme Fernández e Xosé Lois Romero conflúen, por primeira vez, os catro xuntos neste proxecto, que presentan en Compostela o vindeiro día 13, ás 21:00 horas no Teatro Principal.
"Se tivesen certa conciencia poética, non pasarían cousas coma a dos bancos e as preferentes"
Gañar o premio Xerais con só 26 anos e sendo unha escritora ocasional é algo extraordinario. Que a obra gañadora estea escrita a catro mans con teu pai engádelle aínda máis interese á historia. María Lorenzo Miguens e Manuel Lorenzo Baleiron -o irmán de Eusebio- gañaron o Xerais con Tonas de Laranxa, unha narración coral con arrecendo a froita e ronsel cunqueirán.
"Non hai xestión pública das industrias culturais, senón só unha involución total"
“Somos un sector estratéxico e precisamos unha estratexia realizada con consenso entre a administración e o sector”. Así o dixo a presidenta da Asociación Galega de Produtoras Independentes (Agapi), Dolores Ben, na gala dos últimos premios Mestre Mateo. A Xunta recoñeceu o carácter "estratéxico e prioritario" do audiovisual na lei que regula o sector, aprobada por unanimidade no Parlamento no 1999. Entre os obxectivos do Consorcio Audiovisual de Galicia, creado despois ao abeiro desta norma, figura o fomento da "produción e da industria cinematográfica e audiovisual galega".
“O bo da literatura que nos doe é que nos devolve unha caricatura de nós mesmos”
Laura no deserto (Galaxia) é unha novela que doe. Unha historia tan dura como real, tan valente como necesaria. O seu autor, Antón Riveiro Coello, tomou como punto de partida as memorias da militante comunista Mercedes Núñez para reflexionar sobre a culpa, a desmemoria e o silencio, o desamor e, sobre todo, a procura da identidade dunha persoa que conseguiu sobrevivir ao cárcere franquista e un campo de concentración nazi. O libro vén de ser recoñecido co Premio da Crítica á mellor novela en galego e co Premio de Narrativa da AELG.
"Non creo que haxa razóns para dicir que fixen exclusións"
Non é unha tarefa doada dirixir o Centro Dramático Galego nunha época de brutais recortes na cultura e constante conflito entre o sector e a Xunta. Manuel Guede reivindica, neste contexto, a súa experiencia como aval para afrontar a súa nova etapa á fronte do CDG -que xa dirixira durante 14 anos, cos gobernos de Fraga-, e promete erguer pontes para o diálogo, para así comezar a traballar. Asegura querer mirar ao futuro e non ao pasado, e estar xa á procura de fórmulas para que "a crise non poida con nós".