O Estado diminúe nun 1,6% o investimento en Galicia, que se centra na alta velocidade
Máis da metade do gasto real no país destínase ao ferrocarril nuns Orzamentos Xerais do Estado que, a nivel xeral, diminúe o gasto en desemprego nun 22%. Rajoy e os membros do Goberno aumentan o seu soldo nun 1%.
'Viñetas desde o Atlántico' terá máis convidadas mulleres que homes
O Salón do Cómic da Coruña celebrarase do 10 ao 16 de agosto, nunha nova ubicación nos xardíns de Méndez Núñez, preto do Kiosco Alfonso. As exposicións previstas prolongaranse ata o 20 de setembro
Máis de 60 colectivos apoian a manifestación contra as touradas de Pontevedra
A marcha está convocada para o vindeiro sábado 8 de agosto ás 20 horas, con saida da Praza da Peregrina. A mobilización, marcada polos avances no eido antitouradas tralas eleccións municipais, reclama a supresión do convenio que o Concello mantén coa praza de San Roque
O traballo temporal do verán baixa o paro rexistrado en 12.700 persoas en Galicia
Case o 70% da redución do desemprego en xullo produciuse no sector servizos no país, onde hai 23.908 apuntados menos á listaxe de desempregados que hai un ano. O 94% dos contratos asinados no pasado mes foron temporais.
BNG e CxG negocian xa na procura dunha "candidatura de país, galega, ampla e plural"
Delegacións de ambas as dúas formacións, lideradas por Vence e Bascuas, reuníronse este luns para explorar a posibilidade de confluír nunha lista galega unitaria de cara ás xerais que permita un grupo parlamentario "sen dependencias externas, para falar con voz propia e para defender o país".
O pacto PP-PSOE renova o Valedor, Contas e o consello da CRTVG malia discrepancias internas
Cinco deputados, presumiblemente socialistas, desmarcáronse votando en branco nun pleno no que AGE, BNG e Grupo Mixto volveron cargar contra o acordo entre as dúas grandes formacións.
O PP e o tránsfuga do PSOE consuman a moción de censura en Boimorto
Xosé Luís Rivas (BNG) será desaloxado da alcaldía o vindeiro día 14 tras o acordo entre os edís populares e un tránsfuga do PSdeG nunha "manobra" que vincula a "altas esferas" populares como Feijóo e Rueda. O rexedor nacionalista pide aos socialistas que se pronuncien.
As previsións apuntan a un agosto solleiro, cálido e sen precipitacións
Carlos Balseiro (4gotas) sinala que, malia que estamos nun dos anos máis secos dos últimos tempos, a situación aínda non é preocupante, pois os encoros amosan un bo nivel. A explicación a este tempo seco está na posición da corrente do chorro, máis ao sur do habitual.
4 ouros para Galicia nos campionatos de España de atletismo
Ana Peleteiro, Solange Pereira, Frank Casañas e Lidia Parada gañaron as probas de triple salto, 1500 metros, disco e xavelina, respectivamente. Jean Marie Okutu foi prata en lonxitude, o mesmo que Belén Toimil en peso e Isaac Vicente en martelo.
Inícianse os traballos arqueolóxicos do proxecto Costa dos Castros
A actuación no xacemento da Cabeciña en Oia enmárcase nestre proxecto de dinamización social e turística e de divulgación impulsado por catro comunidades de montes do Baixo Miño xunto co Concello de Oia.
AGE denuncia o proxecto da A-57 como "obra escurantista" que "malgastará mil millóns de euros"
Os deputados Antón Sánchez e Juan Fajardo reuníronse con dúas integrantes do colectivo Salvemos A Fracha. Sinalan que a actuación forma parte “dun sistema de saqueo ás arcas públicas"
A Asociación Puntogal, recoñecida nos Premios Galicia das Telecomunicacións
José María Pousada Carballo recibirá o galardón ao Enxeñeiro do Ano. Os premios, organizados polo Colexio Oficial e a Asociación de Enxeñeiros de Telecomunicación, entregaranse nunha gala antes de que remate o ano.